ДЕНЕ МӘДЕНИЕТІ ЖӘНЕ СПОРТ ФАКУЛЬТЕТІ

Дене мәдениеті және спорт факультеті 1959 жылы Қарағанды педагогикалық институтының базасында құрылды. Факультет аймақтағы жастардың әскери-патриоттық тәрбиесін және салауатты өмір салтын дамытуға ықпал ететін жоғары білікті мамандарды дайындайды. Бүгінгі күні факультет «Дене шынықтыру және спорт» және «Бастапқы әскери және дене дайындығы» білім беру бағдарламалары бойынша бакалаврлар мен ғылым магистрлерін сапалы дайындау үшін жақсы жағдайларға ие.

Факультеттің қызмет ету жылдарында дене шынықтыру және спорт саласы бойынша 10 000-нан астам мамандар дайындалды. Біздің факультеттің түлектері Қазақстан Республикасында және шетелде табысты жұмыс істейді. Олардың көпшілігі атақты спортшылар, мұғалімдер, жаттықтырушылар, ғылыми қызметкерлер, ҚР министрліктерінің ведомстволық бағынысты құрылымдарының және дене шынықтыру мен спорт қозғалысының басшылары болып кызмет атқаруда. Факультет ғылыми дәреже алған және ғылымның дамуына үлес қосқан түлектерін мақтан тұтады.

Факультет құрамына 3 мамандандырылған кафедра кіреді. Олар: дене мәдениетінің ілімі мен әдістемесі және спорттық дайындық, бастапқы әскери дайындық және жеке сайыс, дене тәрбиесі кафедралары.

Қазіргі уақытта факультетте оқу үдерісінде қолданылатын спорттық-материалдық база бар. Факультетте оқу сабақтары мен жаттығуларды өткізу үшін сапалы жағдайлар жасалған. Гимнастика, күрес, бокс, спорттық ойын және тренажер залдары, шаңғы базасы және жеңіл атлетика манежі, ірі оқу-жаттығу кешендері бар. Университет базасында 24 спорт түрі бойынша 30-дан астам спорт секциялары жұмыс істейді, онда 3000-нан астам студенттер мен университет оқытушылары жаттығады. Факультет студенттері әр түрлі деңгейдегі жарыстарға үнемі қатысады және әрдайым жеңімпаздар мен жүлдегерлер қатарынан табылады.

Даталар мен деректер

Тарихы:
Академик Е.А. Бөкетов атындағы Қарағанды университетінің Дене мәдениеті және спорт факультетінің қалыптасуы мен даму тарихы өңірдегі және республикадағы дене шынықтыру қозғалысының қалыптасу тарихымен тығыз байланысты. Университетте дене мәдениеті және спорт факультетінің қалыптасуының бастапқы кезеңі өткен ғасырдың 50-ші жылдарының соңына жатады. Орталық Қазақстанда дене шынықтыру және спорт бойынша мамандардың жетіспеушілігі 1959 жылы Қарағанды педагогикалық институтының биология факультеті жанынан 1959 жылы дене тәрбиесі бөлімінің ашылуына алып келді.
1996 жылдан бастап факультет Е.А. Бөкетов атындағы Қарағанды мемлекеттік университетінің құрамына кірді. Алғашқы қыбылданған студенттер негізінен жоғары дәрежелі спортшылар болды және облыс пен республика құрама командаларына кірді.
Факультеттің көрнекті түлектері бүгінде белгілі спортшылар, педагогтар, жаттықтырушылар, дене шынықтыру және спорт қозғалысының жетекшілері болып қызмет атқаруда. Олар: В.Д. Громов, Е.Б. Халилин, С.Нурказов, А.Степаненко, Б.И. Орумбаев, В.Набиев, Ю.Т.Баймагамбетов, Т.О.Бекмагамбетов, С.Т.Каргин, Н.Р.Рамашов, А.Н.Жулин, А.А.Рогачев, К.Н.Менлибаев, С.И.Глухов, Л.Тлеубаев, И.Снегуров және т.б.
Факультеттен шыққан әр уақыттағы Олимпиада ойындарының жеңімпаздары мен қатысушылары, Әлем, Еуропа, Азия, КСРО және ҚР чемпионаттарының жеңімпаздары мен жүлдегерлері: ауыр атлетикадан Олимпиада чемпионы Ю. Зайцев; жүзуден Олимпиада ойындарының қатысушылары В.Абоимов, А.Гаврилов, А.Савицкий, А.Егоров, С.Борисенко; велоспорттан А.Степаненко, А.Василенко; бокстан А.Топаев, Е.Абубакиров, К.Мұңайтбасов; есуден К.Нұрмағамбетов; еркін күрестен Әлем және Еуропа чемпионы М.Абдул-Муслимов; бокстан Еуропа чемпиондары С.Нурказов, Б.Есжанов; пауэрлифтингтен Әлем, Еуропа және Азия ойындарының чемпиондары А.Сивоконь, М.Гарник; жеңіл атлетикадан Э.Хамяляйнен; еркін күрестен А.Жапаров; грек-рим күресінен А.Нуров; кикбоксингтен әлем чемпионы Г.Папу; 2012 жылы Лондонда өткен ХХХ-жазғы Олимпиада ойындарының чемпионы, «Вэл Баркер» кубогының иегері, 2007 жылғы түлек С.Сапиев; еркін күрестен КСРО чемпиондары мен жүлдегерлері В.Гальвас, С.Жақсыбеков, А.Мұсабеков; бокстан Олимпиада ойындарының жүлдегері Г.Головкин, жеңіл атлетикадан Д.Карпов, еркін күрестен Э.Сыздыкова; конькимен жүгіру спортынан жасөспірімдер арасындағы әлем чемпионы Е.Айдова; спорттық акробатикадан әлем чемпионы, «Қазақстан Республикасының 100 жаңа есімі» республикалық жобасының финалисті Н.Амоскин және т.б.
Факультет ғылыми дәрежелерге ие болған келесі түлектерін мақтан тұтады: профессорлар К.И.Садыков, Т.А.Киспаев, У.А.Ахметжанова, С.К.Жунуспеков, Н.Р.Рамашов, Л.Ю.Малай, Ж.Божиг, А.Н.Иманбетов, Л.С.Кузнецова, доцент М.Т.Бодеев, PhD докторлары К.Б.Аданов, Ж.Б.Абишев, А.А.Григоркевич.

Білім алушылар:
- 900-ден астам студент. 2020-2021 оқу жылында студенттер саны өткен жылмен салыстырғанда 11,5% - ға артты;
- 1/4-тен астам студент мемлекеттік білім беру гранттары бойынша оқиды;
- жыл сайын факультетке 300-ге жуық студент оқуға түседі;
- факультетте шет елдерден және Қазақстан Республикасының әр өңірлерінен студенттер білім алуда;
- түлектердің жұмысқа орналасу көрсеткіші 80%-дан асады.

Оқытушылар:
- 50-ден астам оқытушылар, оның ішінде докторлар, кандидаттар, магистрлер, спорт шеберлері бар;
- республикалық «Жоғары оқу орнының үздік оқытушысы» атағының 9 иегері бар.

Серіктестер:
- Ресей мемлекеттік дене мәдениеті, спорт және туризм университеті (Ресей);
- Балалар мен жасөспірімдер гигиенасы және денсаулығын қорғау ҒЗИ (Ресей);
- Сібір мемлекеттік дене мәдениеті университеті (Россия);
- Алтай мемлекеттік педагогикалық университеті (Ресей);
- Моңғол ұлттық білім беру университеті (Моңғолия).

Түлектер қауымдастығы
Қауымдастыққа әр жылдардағы түлектер кіреді. Ол факультеттің корпоративтік ортамен серіктестігін нығайтуға көмектеседі.