ВЕРСИЯ ДЛЯ СЛАБОВИДЯЩИХ

Университет тарихының маңызды оқиғалары


1938 Қарағанды мұғалімдер институтының ашылуы

1952 Қарағанды мұғалімдер институтыны Педагогикалық институт болып қайта құрылды

1972 Педагогикалық институт Қарағанды мемлекеттік университеті болып қайта құрылды

1992 Қарағанды мемлекеттік университетіне академик Евней Арыстанұлы Бөкетовтің есімі берілді


Қарағанды мұғалімдер институты студенттерінің алғашқы жиыны небары 117 адамды құрады. Институт тарих, қазақ тілі мен әдебиеті, орыс тілі мен әдебиеті мұғалімдерін даярлады. Барлығы 4 кафедра жұмыс істеді: марксизм-ленинизм, педагогика, тіл және әдебиет, тарих. Оқытушылар құрамына ҚарЛАГ-тан босатылған революцияға дейінгі педагогикалық өтілі бар тарихшылар мен филологтар кірді. Дәл осы кісілер мен олардың шәкірттері өңірдегі жоғары білімнің іргетасын қалады. Институттың алғашқы кітапхана қоры Герцен атындағы Ленинград педагогикалық институты сыйға берген 7 000 кітаптан тұрды. Институт басшысы бұрынғы орта мектеп директоры Р.Р. Репалова болды.

Қарағанды педагогикалық институтында 8 кафедра жұмыс істеді: марксизм-ленинизм негіздері, тарих, қазақ тілі мен әдебиеті, орыс тілі мен әдебиеті, педагогика және психология, физика және математика, химия және биология, дене тәрбиесі.

Институтта 82 адам сабақ берді, оның ішінде біреуі ғылым докторы және 16 ғылым кандидаты. Ректор болып математик С.Б. Баймурзин тағайындалды. Алғашқы бітіруші студенттер саны 318 адамды құрады.

1958 жылы «Ученые записки» деп аталатын институт оқытушыларының алғашқы ғылыми мақалалар жинағы жарық көрді. 1962 жылы 4 кафедрада аспирантураның алғашқы бағдарламалары ашылды. Олар: орыс және шетел әдебиеті, педагогика және психология, химия, зоология.

70-жылдардың басында Қарағанды педагогикалық институты бірінші санаттағы жоғары оқу орнына айналып, оған 22 кафедрасы, 5 440 студент контингенті бар 6 факультет кірді. Институт 890 маман дайындады.

1972 жылдың наурыз айында Қарағанды мемлекеттік университетінің салтанатты ашылуы өтті. Ашылу салтанатына белгілі қазақ жазушысы Сәбит Мұқанов қатысты. Университет ректоры болып техника ғылымдарының докторы, профессор Бөкетов Евней Арыстанұлы тағайындалды. Ол университеттің дамуына үлкен үлес қосты. Оның басшылығымен заманауи материалдық-техникалық база жасақталып, ғылыми инфрақұрылым жүзеге асырылды. Е.А. Бөкетов АҚШ, Канада, Австралия, Швеция, Финляндия, ГДР, Италия, Жапонияда патенттелген 200-ден астам ғылыми еңбектің, 9 монографияның, 90 ғылыми өнертабыстың авторы. 1991 жылы университетке оның есімі берілді.

Е.А.Бөкетов туралы көбірек білу

90-жылдар университеттің дамуындағы жаңа кезең болды. Осы уақытта жаңадан факультеттер, магистратура, мамандықтар ашылды, студенттер контингенті 20 000 адамға дейін өсті. Университет құрамына Педагогикалық мемлекеттік институт кірді. Нәтижесінде университетте 14 факультет, 72 кафедра жұмыс істей бастады. Университетке 13 жыл басшылық жасаған ректор профессор Жамбыл Саулебекұлы Ақылбаев оқу орнын реформалауға үлкен үлес қосты.

Әр жылдары академик Е.А. Бөкетов атындағы Қарағанды мемлекеттік университетіне химия профессоры Зейнолла Молдахметұлы Молдахметов, биология профессоры Айтқожа Биғалиұлы Биғалиев, құқық профессоры Еркін Қинаятұлы Көбеев, химия профессоры Азамат Тіржанұлы Едірісов басшылық жасады.

Университет тарихынан көбірек білу

2000-шы жылдар басындағы маңызды оқиғалар

2003 жыл– университет кредиттік оқыту жүйесі мен магистратура институтын енгізе бастады.

2004 жыл– оқу сабақтарын өткізу үшін шетелдік жоғары оқу орындарынан қонақ дәрісшілерді шақырудың алғашқы тәжірибесі пайда болды. Университет Орталық Азия менеджментті дамыту қорына кірді.

2005 жыл– университет Қазақстанның алғашқы жоғары оқу орындарының бірі болып Болонья қаласындағы Университеттердің Ұлы Хартиясына (Magna Charta Universitatum) қол қойды; ISO 9001 халықаралық стандартына сәйкес сапа менеджменті жүйесін енгізді (SGS швейцариялық компаниясы), Қазақстанның мемлекеттік жоғары оқу орындары арасында бірінші болып экономикалық мамандықтарды пилоттық халықаралық аккредиттеуден сәтті өтті (EFMD Қорының қатысуымен). Университет жанынан колледж ашылды.

2006 жыл– университет Еуропалық одақтың Erasmus Mundus қоры қаржыландыратын Еуропалық Университеттердің Білім беру консорциумының алғашқы грантын алды. Сырттай оқу бөлімінде қашықтықтан оқыту технологиясын енгізу басталды. Университет түлектері алғаш рет Қазақстан Президентінің «Болашақ» халықаралық стипендиясына ие болып, әлемнің жетекші университеттерінде оқу құқығына ие болды.

2007 жыл– университет білім беру сапасын қамтамасыз етудің Тәуелсіз қазақстандық агенттігінің рейтингісінде алғаш рет отандық білім беру көшбасшыларының үштігіне енді; 2011 жылы алғашқы шығарылымы өткен PhD докторларын даярлау жөніндегі республикалық эксперименттік бағдарламаның қатысушысы болды. Қазақстан Үкіметі мен Қарағанды облысы әкімдігінің қолдауымен ҚарМУ-дың тұңғыш ректоры академик Е.А. Бөкетовтің ескерткіші ашылды. «Жарқын» студенттік халықтық би ансамблі Қазақстанның Ұлттық Дельфийлік ойындарының жеңімпазы атанды. Университеттің КВН командасы «КИВИН-2007» халықаралық фестиваліне және Халықаралық КВН Одағының жоғарғы лига ойындарына қатысты.

2008 жыл– университет көптілді білім беру бағдарламасын енгізе бастады, «Қазақстан Республикасындағы көптілді білім беру тұжырымдамасын» әзірлеуге қатысты және 2012 жылы қазақ, орыс және ағылшын тілдерінде бір реттік оқытумен көптілді топтар бакалаврларының алғашқы шығарылымын жүзеге асырды. Университет Қашықтықтан оқытудың жаһандық университеттерінің халықаралық қауымдастығына және «Сібір ашық университеті» қауымдастығына кірді. Университет магистранттары алғаш рет Еуропалық Одақ университеттерінде тағылымдамадан өту үшін Erasmus Mundus және DAAD халықаралық стипендияларын алды.

2009 жыл– университет іргелі және қолданбалы зерттеулер жүргізу үшін 10 ғылыми грантқа ие болды. «Физикалық-химиялық зерттеу әдістері» инженерлік бейіндегі зертхана ашылып, 2010 жылы аккредиттелді және ауаның, судың және топырақтың жай-күйіне талдау жүргізу құқығына ие болды. Университеттің Жас ғалымдар кеңесі Қазақстан Республикасы Тұңғыш Президенті Қорының тұжырымы бойынша үздік бестікке енді. Университет жанынан Қазақстан Республикасы Мемлекеттік қызмет істері агенттігінің, Қарағанды облысы ішкі саясат басқармасының белсенді қолдауымен қызмет еткен Мемлекеттік қызмет мектебі ашылды.


2010 жылдардағы маңызды оқиғалар

2010 жыл – университет алғаш рет QS World Universities Rankings әлемдік рейтингіне еніп, 601 орынға ие болды. «Электрондық университет» ішкі жобасы іске асырыла басталды.

2011 жыл – университет Қазақстанның инновациялық бағдарланған университеттерінің ондығына кірді. Қазіргі уақытта аккредитациясы бар «Физикалық-химиялық зерттеу әдістері» инженерлік бейіндегі зертхана ашылды.

2012 жыл – университеттің білім беру бағдарламалары ACQUIN: «Физика», «Химия», «Экономика» германдық сертификаттау, аккредиттеу және сапаны қамтамасыз ету институтының аккредитациясын алды. Университет алғаш рет Webometrics әлемдік рейтингіне енді. Наноматериалдар және нанотехнологиялар саласында PhD дәрежесін беру бойынша диссертациялық кеңес ашылды. Университет базасында Француз альянсының өкілдігі ашылды, Британдық Кеңеспен ынтымақтастық басталды. Студенттердің ішкі академиялық ұтқырлық бағдарламасы іске асырыла бастады.

2013 жыл – университет Назарбаев Университетімен ынтымақтастық туралы Меморандумға қол қойды. Дуальді оқыту бағдарламалары жүзеге асырыла басталды. Бюджеттік бағдарламаларды жүзеге асыруға университет 2 миллиард теңгеден астам қаражат алды. Университет білім беру және ғылыми қызметі үшін «Алтын сапа» мемлекеттік дипломын иеленді. Білім беру және өндірістік ұйымдар базасында университеттің 53 кафедра филиалы жұмыс істеді.

2014 жыл – университет Еуропалық Университеттер Қауымдастығының мүшесі болды. Университетте Технологияларды коммерцияландыру орталығы ашылды. Университет ғалымдары әзірлеген астық ылғалдылығын өлшеуге арналған аспаптың эксперименттік партиясы дайындалды. Химия факультетінің ғалымдары «Дорстройматериалы» АҚ-мен бірлесіп тас көмір шайырларынан жол битумын алу үшін технологиялық желі орнатты, дайын өнімді жеткізу жөніндегі алғашқы шарт жасалды.

2015 жыл – университетте «Серпін» мемлекеттік бағдарламасы жүзеге асырыла бастады. Ғылыми зерттеулерді қаржыландыру көлемі 335 миллион теңгені құрады. Оқу жетістіктерін сырттай бағалау нәтижелері бойынша университет Қазақстанның көпсалалы жоғары оқу орындары арасында бірінші орынға ие болды. Университет «Жасыл» экономика және баламалы энергетика бойынша 9 ғылыми жобаны жүзеге асырды. «3-D технологиялар» зертханасы ашылды. Университеттің 15 оқытушыс «Жоғары оқу орнының үздік оқытушысы» атағына ие болды. Университеттің Жас ғалымдар кеңесі Қазақстан Республикасы Тұңғыш Президенті Қорының республикалық байқауының жеңімпазы атанды.

2016 жыл – университеттің ғалым-археологтары Қазақстан пирамидасын – сақтарға дейінгі кезеңдегі Орталық Қазақстанның бірегей жерлеу кешенін ашты. Бұл Ресей, Франция, Италия, АҚШ, Жапония археологтарының ғылыми ортадағы үлкен қызығушылығын тудырды. Университет базасында ЕҚЫҰ, Шет елдер елшіліктерінің, Франция, Германия, Қытай, Ресей университеттерінің қатысуымен «Қазіргі қоғамның әлеуметтік-мәдени трансформациясы жағдайындағы тілдік білім беру» халықаралық ғылыми форумы өткізілді.

2017 жыл – университетте «Бастауышта оқыту педагогикасы мен әдістемесі», «Шет тілі», «Математика», «Биология» мамандықтары бойынша диссертациялық кеңестер ашылды. Жастар кәсіпкерлігі орталығы ашылды. Химия факультетінің ғалымдары мыңжапырақ пен жусан түрлерінен автокөліктерге арналған екінші буын биоотынының тәжірибелік үлгісін жасады. Университет ғалымдарының бес жобасы «EXPO – 2017» халықаралық көрмесіне ұсынылды. Олар: «Ауыл шаруашылығында жаңа полимерлі ылғал сіңіргіштерді пайдалану арқылы су үнемдеу технологияларын жасау», «Кәсіпорындардың ағынды суларын тазарту және жұмсарту қондырғысының өнеркәсіптік прототипін жасау», «Астық ылғалдылығын өлшеуге арналған отандық аспаптардың сериялық өндірісін жасау», «Қазақстанның көп жылдық шөпті өсімдіктерінен автокөлікке арналған екінші буынды биоотын», «Мұнай өндіру және мұнай өңдеу қалдықтарынан синтез-газ алуға арналған плазмохимиялық қондырғы». Университет баспа журналдарында университет ғалымдарының жоғары жарияланымдық белсенділіктері үшін Springer Nature «Қазақстанның ең танымал ұйымдары» номинациясы бойынша лауреат атанды. «Қарағанды университетінің хабаршысы» ғылыми журналы Clarivate Analitics халықаралық компаниясының тұжырымы бойынша «Қазақстандық ғылыми басылымдардың көшбасшысы» номинациясында лауреат атанды. Университеттің 10 оқытушысы «Жоғары оқу орнының үздік оқытушысы» атағына ие болды.

Университеттің студенттік командалары кәсіпкерлік бойынша арнайы конкурстарда: Беларусь Республикасында өткен «Жастар және кәсіпкерлік – 2017» IX-шы халықаралық чемпионатында; Алматы қаласында өткен Студенттік кәсіпкерліктің ұлттық ойындарында, «Қазақстанды қалай асырау керек» республикалық жобасында; «ZherSu» инвестициялық-өндірістік корпорациясының конкурсында жүлделі орындарға ие болды.

2018 жыл – университетте IT-құзыреттілік орталығы және білім алушылар мен қызметкерлерге қызмет көрсету орталығы ашылды. «Қарағанды университетінің хабаршысы» ғылыми журналының барлық тоғыз сериясы Қазақстан Республикасы Білім және ғылым министрлігінің басылымдар тізбесіне енгізілді.

2019 жыл – университет «Қазақмыс корпорациясы» ЖШС-мен Қарағайлы байыту фабрикасының қалдықтарынан түсті, сирек және сирек жер металдарды алу технологиясын бірлесіп әзірлеу туралы шарт жасасты, Жоба бюджеті 16,8 млн.теңгені құрады. Университет аумағында рекреациялық аймақтары, шағын футболға арналған жасыл алаңы, студенттерге арналған коворкинг орталығы бар «Жастар» аллеясы ашылды.

2020 жыл – университет «Global Preferred Associate Network» Еуропалық ETS желісіне қосылды. Шет тілдер факультетінде Қарағанды өңіріндегі жалғыз аккредиттелген TOEFL емтихан орталығы ашылды. Әскери кафедра ашылды.

Қазіргі таңдағы Деректер мен Сандар


Қарағанды университеті жарғылық капиталына мемлекет жүз пайыз қатысатын коммерциялық емес акционерлік қоғам болып табылады. Университетті басқаруды Жалғыз акционер (ҚР БҒМ), Директорлар кеңесі, Басқарма жүзеге асырады. Басқарма төрағасы – университет ректоры заң ғылымдарының докторы, профессор Дулатбеков Нұрлан Орынбасарұлы болып табылады.

Университеттің миссиясы – құндылықтарды сақтау, білімді тарату, үздік білім беру тәжірибелері мен зерттеу бағдарламалары негізінде кадрлар даярлау үшін инновациялық тәсілдерді енгізу.


Университетті Еуропалық EQAR жоғары білім беру сапасын қамтамасыз ету агенттіктерінің тізіліміне және Қазақстан Республикасы Білім және ғылым министрлігінің №1 Ұлттық Тізіліміне кіретін Білім беру сапасын қамтамасыз ету жөніндегі тәуелсіз агенттік аккредиттеген.

Университет Ұлттық аккредиттеу агенттіктері – БСҚТА мен АРТА тұжырымы бойынша отандық білім беру көшбасшыларының бестігіне кіреді.

Университет бакалаврларды, магистрлерді, PhD докторларын дайындайды.

Университете диссертациялық кеңестер жұмыс істейді.

Білім беру және білім беру сапасын қамтамасыз ету жөніндегі шетелдік және отандық агенттіктер, шетел елшіліктері, бейінді білім беру қауымдастықтары, университеттер мен колледждер бірлескен гранттық жобаларды іске асыруда университеттің серіктестері болып табылады.

Толығырақ>>
  1. Экономика, ғылым және Саксония-Анхальт жерін дигитилизациялау министрлігі, Германия
  2. Италияның Қазақстандағы елшілігі
  3. Еуропалық Комиссияның Білім, аудиовизуалды құралдар және мәдениет жөніндегі Атқарушы агенттігі
  4. Аккредиттеу, сертификаттау және сапаны қамтамасыз ету институты, Германия
  5. Жоғары білім сапасын қамтамасыз ету жөніндегі Орталық және Шығыс Еуропалық агенттіктер желісі, Германия
  6. «Белсенді жастар» қауымдастығы, Литва 
  7. Asociación Civil Red De AcciónClimática, Аргентина
  8. Муванг дамыту қауымдастығы, Уганда
  9. Ресей инженерлік білім беру қауымдастығы, Ресей Федерациясы
  10. «Болон клубы» білім беру саласындағы стратегиялық бастамалар агенттігі, Ресей Федерациясы
  11. Білім берудегі сапаны қамтамасыз ету жөніндегі тәуелсіз агенттік, Қазақстан
  12. Қазақ инженерлік білім беру қауымдастығы, Қазақстан
  13. TÜV RheinlandAkademie Рейнланд академиясы, Германия
  14. Отто-фон-Герике атындағы Магдебург университеті, Германия
  15. Порту политехникалық институты, Португалия
  16. Тироля жоғары педагогикалық мектебі, Австрия
  17. Таллин технология университеті, Эстония
  18. Таллин  жоғары техникалық мектебі, Эстония
  19. Дубнице-над-Вагомдағы Дубницк технологиялық институты, Словакия
  20. Ұлттық зерттеу Томск политехникалық университеті, Ресей Федерациясы
  21. Қазан ұлттық зерттеу  технологиялық университеті, Ресей Федерациясы
  22. Тамбов  мемлекеттік техникалық университеті, Ресей Федерациясы
  23. Донск мемлекеттік техникалық университеті, Ресей  Федерациясы
  24. Вятск мемлекеттік университеті, Ресей Федерациясы
  25. Бхарати Видьяпит университеті, Үндістан
  26. Әл-Фараби атындағы Қазақ ұлттық университеті, Қазақстан
  27. Абай атындағы Қазақ ұлттық педагогикалық университеті КеАҚ, Қазақстан
  28. М. Әуезов атындағы Оңтүстік Қазақстан мемлекеттік университеті, Қазақстан
  29. Семей қаласының Шәкәрім атындағы мемлекеттік университеті, Қазақстан
  30. Қарағанды жоғары политехникалық колледжі, Қазақстан
  31. Электротехника колледжі, Қазақстан

Кампус

Университет аумағы 54,1418 га-ны құрайды

Толығырақ>>

Факультеттер

Университетте 13 факультет пен 48 кафедра жұмыс істейді.

Толығырақ>>

Білім алушылар

12812 адам, оның ішінде мемлекеттік білім беру гранты бойынша – 5817 адам.

Толығырақ>>

Студенттер: 11829 студент, оның ішінде мемлекеттік білім беру гранты бойынша – 5038 адам.

Магистранттар: 800 магистрант, оның ішінде мемлекеттік білім беру гранты бойынша – 616 адам.

Докторанттар: 183 докторант, оның ішінде мемлекеттік білім беру гранты бойынша – 163 адам.


Жыл сайын 3,5 мың адам университет студенті атанады. Олардың ішінде 400-ден астамы «Алтын белгі» төсбелгісінің иегерлері (яғни оқу үздігі).

Университет студенттері 13 елдің азаматтары болып табылады.

Толығырақ>>

Қазақстан, Әзірбайжан, Армения, Беларусь, Германия, Израиль, Қытай, Моңғолия, Пәкістан, Ресей, Тәжікстан, Өзбекстан, Украина.

Түлектердің жұмысқа орналасуы

Университет түлектерінің 85% оқуды аяқтағаннан кейінгі алғашқы үш ай ішінде мамандығы бойынша жұмысқа орналасады.

Қызметкерлер

Университетте 1475 адам жұмыс істейді. Оқытушылардың жалпы саны 775 адамды құрайды. Олардың төрттен бір бөлігі Қазақстан Республикасы Білім және ғылым министрлігінің бағалауы бойынша «Жоғары оқу орнының үздік оқытушысы» атағына ие.

Білім беру бағдарламалары

 

Бакалавриатта

103 білім беру бағдарламасы бар

оның 27-сі инновациялық

12-сі көптілді болып табылады.

Толығырақ>>

Дайындық бағыттары

8 бағыт бойынша:

Педагогикалық ғылымдар;

Өнер және гуманитарлық ғылымдар;

Әлеуметтік ғылымдар, журналистика және ақпарат;

Бизнес, басқару және құқық;

Жаратылыстану ғылымдары, математика және статистика;

Ақпараттық-коммуникациялық технологиялар;

Инженерлік, өңдеу және құрылыс салалары;

Қызметтер.

Магистратурада

92 білім беру бағдарламасы бар, оның 16-сы инновациялық болып табылады.

Толығырақ>>

Бағыттар

Даярлық 7 бағыт бойынша жүргізіледі:

Педагогикалық ғылымдар;

Гуманитарлық ғылымдар;

Әлеуметтік ғылымдар;

Құқық;

Жаратылыстану ғылымдары;

Техникалық ғылымдар және технологиялар;

Қызметтер.

Докторантурада

16 білім беру бағдарламасы бар, оның 3-уі инновациялық болып табылады.

Толығырақ>>

Даярлық 5 бағыт бойынша жүргізіледі.

Педагогикалық ғылымдар;

Гуманитарлық ғылымдар;

Әлеуметтік ғылымдар;

Құқық;

Жаратылыстану ғылымдары.

Бағдарламаларды аккредиттеу

130 білім беру бағдарламасы, оның ішінде 7 жыл мерзіммен 9 бағдарлама.

«Биология»,

«Шет тілі: екі шет тілі»,

«Туризм»,

«Менеджмент»,

«Құқықтану».

Диссертациялық кеңестер

Сала:

Педагогикалық ғылымдар;

Гуманитарлық ғылымдар;

Әлеуметтік ғылымдар;

Құқық;

Жаратылыстану ғылымдары.

Толығырақ>>

Ғылыми инфрақұрылым

Университетте 19 ғылыми құрылым жұмыс жасайды

Толығырақ>>

Университеттің ынтымақтастық географиясы

Әлемнің 30 елі.

Толығырақ>>

Әзірбайжан, Армения, Беларусь, Болгария, Венгрия, Германия, Грузия, Испания, Италия, Қытай, Қырғызстан, Латвия, Литва, Малайзия, Молдавия, Моңғолия, Нидерланд, Польша, Ресей, Румыния, Словакия, АҚШ, Тәжікстан, Тайланд, Түркия, Өзбекстан, Украина, Филиппин, Чехия, Оңтүстік Корея

Ғылыми кітапхана қоры

1 млн. 800 мың кітап; электрондық кітапханада 60 мың құжат

Толығырақ>>

ВИДЕОНЫ КӨРУ