2026 жылғы 21 сәуірде Қарағанды ұлттық зерттеу университетінде басқарма төрағасы-ректор Нұрлан Орынбасарұлы Дулатбековтің Адам Мицкевич атындағы университеті (Познань қ., Польша ) профессорының ассистенті, PhD Магдалена Лаховичпен кездесуі өтті.
Кездесу барысында тараптар халықаралық ынтымақтастықты дамыту перспективаларын, студенттер мен оқытушылардың академиялық ұтқырлығын, сондай-ақ бірлескен ғылыми-зерттеу жобаларын іске асыру мүмкіндіктерін талқылады. Білім және ғылым саласында тәжірибе алмасу, сондай-ақ Қазақстан мен Польша университеттері арасындағы әріптестік байланыстарды кеңейту мәселелеріне ерекше назар аударылды.
Магдалена Лахович университеттің жоғары ғылыми әлеуетін атап өтіп, екіжақты өзара іс-қимылды нығайтуға қызығушылық білдірді. Өз кезегінде Нұрлан Орынбасарұлы халықаралық ынтымақтастықтың қазіргі университетті дамытудың негізгі факторларының бірі ретінде маңыздылығын атап өтті.
Кездесу қорытындысы бойынша білім беру мен ғылыми зерттеулердің сапасын арттыруға бағытталған әріптестікті тереңдету және бірлескен бастамаларды іске асыру бойынша қадамдар белгіленді.
