Халықаралық ынтымақтастықты дамыту аясында академик Е.А. Бөкетов атындағы Қарағанды ұлттық зерттеу университеті Қырғызстан Республикасындағы Қ.Қарасаев атындағы Бішкек мемлекеттік университетімен «7М01301 – Бастауышта оқыту педагогикасы мен әдістемесі» бірлескен білім беру бағдарламасын сәтті жүзеге асыруда https://bhu.kg/ru/
Бағдарлама бастауышта оқыту педагогикасы мен әдістемесі саласында жоғары білікті мамандар даярлауға, сондай-ақ серіктес университеттер арасындағы академиялық және ғылыми байланыстарды нығайтуға бағытталған.
Лектор – Абдыракунова Жылдыз Сатаровна, педагогикалық факультеттегі бастауыш және балабақша білім беру теориясы мен әдістемесі кафедрасының меңгерушісі, педагогика ғылымдарының кандидаты, доцент, екінші курс магистранттарына «Жанжалды жағдайларды шешу технологиясы» және «Салыстырмалы педагогика» пәндерін оқиды.
Сонымен қатар, Педагогикалық факультеттегі бастауыш және балабақша білім беру теориясы мен әдістемесі кафедрасының оқытушылары магистранттардың ғылыми-зерттеу жұмыстарына белсенді түрде қатысып, шетелдік ғылыми кеңесшілер ретінде жұмыс атқарады. Олар магистерлік диссертацияларды басқаруды жүзеге асырады, магистранттардың ғылыми-зерттеу жұмыстарына әдістемелік, ғылыми және сараптамалық қолдау көрсетеді. Мұндай өзара әрекет ғылыми зерттеулердің сапасын арттыруға, халықаралық ынтымақтастықты нығайтуға және магистранттардың заманауи педагогикалық ғылым талаптары мен тенденцияларына сәйкес кәсіби құзыреттерін қалыптастыруға ықпал етеді.
Бірлескен білім беру бағдарламасын жүзеге асыру серіктес университеттер арасындағы академиялық және ғылыми байланыстарды нығайтуға, оқытушылар мен студенттердің халықаралық ұтқырлығын дамытуға, сондай-ақ заманауи педагогикалық тәжірибелер мен инновациялық оқыту әдістемелерімен алмасуға ықпал етеді. Мұндай ынтымақтастық халықаралық білім беру кеңістігіне интеграция жасауға, түлектердің бәсекеге қабілеттілігін арттыруға және педагогикалық кадрларды даярлау сапасын жоғары білімнің әлемдік стандарттарына сәйкес жетілдіруге мүмкіндік туғызады.
