Е. Бөкетов атындағы Қарағанды университетінің оқытушылары Тажибаева Эльмира Рахымжанқызы, Панченко Антон Викторович, Чекмарева Наталья Валериевна Қорқыт ата атындағы Қызылорда университеті мен Ө. Жәнібеков атындағы Оңтүстік Қазақстан педагогикалық университетінің базасында офлайн форматта өтіп жатқан «How to be a better teacher? How to be a better researcher?» курсына қатысуда. Курсты Гонконг университетінің профессорлары жүргізіп жатыр, олардың ішінде профессор Ло Синг Кай, доктор Сун Данер, доктор Ли Джу Сеонг, доктор Джон Трент, Макао ғылыми және технология университетінің профессоры Лоуренс Лэм, Техас-Андерсон университетінің профессоры Чен Шихуи, Окленд университетінің докторы Ванг Данпинг бар. Интенсивті курс оқу және зерттеу дағдарысын дамытуға арналған. Буткемп аясында оқытушылар «Білім беру саласындағы жасанды интеллект», «Студенттердің оқуға құштарлығын арттыру», «Ғылыми әдебиеттерге жүйелі шолу жүргізу», «Академиялық жазылым дағдысы» және «SPSS қолдану арқылы статистика жүргізу» сияқты тақырыптарды меңгереді. Айта кетейік, бағдарлама аясында 2024 жылдың 17 қаңтарында Шымкент қаласында «Қазақстанның өңірлік университеттері консорциумының» жұмысы аясында екінші кездесуді өткізу жоспарланып отыр. Аймақтық университеттер арасындағы ынтымақтастықтың мақсаттары, міндеттері, жұмыс жоспары, Гонконг білім беру университетінің рөлі және басқа да мәселелер талқыланады.
