23 мамырда ZOOM платформасында Шэньян педагогикалық университетінің педагогика факультетінің өкілдерімен - Дэн Фэй-Мектепке дейінгі Және Бастауыш Білім Беру Колледжінің Деканы және Профессоры; Лин линан-Деканның Орынбасары Және Мектепке Дейінгі Және Бастауыш Білім Беру Мектебінің Профессоры; Ли Вэньхуэй мен Хэ Цзинвэн-Мектепке дейінгі Және Бастауыш Білім Беру Мектебінің Деканының Көмекшісі және Доцентімен кездесу өтті. Е.А. Бөкетов атындағы Қарағанды университеті тарапынан талқылауға педагогика факультетінің деканы С.А. Муликова, кафедра меңгерушілері С.Б. Мукушева, А.Р. Рымханова, С.А. Одинцова, К.Т. Кошкумбаев және қабылдау комиссиясының жауапты хатшысы А. Р. Барикова қатысты.
А.Р. Барикова өз сөзінде докторантураға түсу және оқу шарттарын, бірлескен білім беру бағдарламасын әзірлеу тәсілдерін, шетелдік білім алушыларды оқыту ерекшеліктерін ашты. Докторанттың қорытынды жұмысын дайындау, ғылыми тағылымдаманың келешегі және академиялық ұтқырлықты ұйымдастыру алгоритмі туралы сұрақтарға С.А. Муликова жауап берді. Кездесу қазіргі уақытта Шэньян мемлекеттік университетінде ғылыми тағылымдамадан өтіп жатқан PhD докторы, мектепке дейінгі және психологиялық-педагогикалық даярлық кафедрасының қауымдастырылған профессоры А. Н.Санхаеваның бастамасымен және белсенді қатысуымен өтті.
