Кафедра бакалавриат, магистратура және докторантура бағдарламалары бойынша педагогикалық және ғылыми-педагогикалық кадрларды дайындайды. Кафедраның студенттері мен магистранттары бес траектория бойынша білім алуға мүмкіндік алады: «Нанотехнология», «Спектроскопия», «Физика», «Физика-Информатика» және «Математика». Оқыту бағдарламасына «Technique of translation of physical terms», «Физиканы оқыту әдістемесі», «Мектеп экспериментінің техникасы», «Nuclear and elementary-particle physics», «School physics work shop» және «Наноплазмоника» сияқты өзекті пәндер кіреді. Кафедра үштілді топтарда оқытуды ұсынады.

Кафедра түлектері жалпы білім беретін мектептерде, колледждерде сабақ бере алады, зертханалар мен ғылыми-зерттеу институттарында инженер болып жұмыс істей алады.

Кафедраның ғылыми қызығушылықтары наноматериалдар мен нанотехнологияларды зерттеумен байланысты. Кафедрада инновациялық материалдар мен технологияларды әзірлеу бойынша іргелі-қолданбалы зерттеулер жүргізіледі. Кафедрада молекулалық нанофотоника институты және экология және техникалық физика мәселелері институты жұмыс істейді. Институт қызметкерлері докторанттар мен сыртқы серіктестердің қатысуымен іргелі, қолданбалы, шарттық жобаларды жүзеге асырады.

Даталар мен фактілер

Тарихы:
Кафедра 1972 жылы Қарағанды мемлекеттік университеті құрылған кезде ұйымдастырылды. Кафедраның бірінші меңгерушісі болып, Алматыдан ректор Е.А. Бөкетов шақырған Л.Ф. Ильина тағайындалды. Кафедраның академиялық дамуы оның әртүрлі атауларында көрініс тапты: жалпы физика және физиканы оқыту әдістемесі кафедрасы, содан кейін жалпы физика, жылу физикасы кафедрасы, жалпы және теориялық физика кафедрасы, қазіргі уақытта физика және нанотехнологиялар кафедрасы деп аталады.
Әр жылдары кафедраны Ю.А. Сойников, С.С. Контаев, Т.А. Кунакбаев, Ю.Н. Антипов, М.К. Курманов, Т.М. Мукатов, А.Ж.Турмухамбетов, К.М.Арынгазин, А.О. Саулебеков, С.Е. Сакипова және А.С. Кудусов басқарды. Л.Ф.Ильина және А.Ж. Турмухамбетов физика факультетінің декандары болды; Ю.Н. Антипов ғылыми жұмыс жөніндегі проректор, С.С. Контаев – оқытушылардың біліктілігін арттыру институтының ректоры болды. Кафедра оқытушылардың дамуына әрдайым қолайлы жағдай жасады. Кафедрада жұмыс істей жүріп, Ю.Н. Антипов, К.З. Альжанов, Г.А. Квецле, Ю.А. Сойников, С.С.Контаев, В.Е. Гладков, В.В. Брюханов, Г.В. Мельников, Т.Ж. Кунакбаев, К.К.Кусайынов, К.К. Мусенов, Г. . Ройзман, Н.М. Оспанов т.б. кандидаттық диссертацияларын қорғады.

Білім алушылар:
Кафедрада 150 студент білім алуда, олардың арасында мемлекеттік грант иегерлері, Қазақстанның басқа өңірлерінің өкілдері бар. Соңғы бес жыл ішінде кафедра студенттерінің контингенті 5 есе артты.

Жұмысқа орналастыру:
6В01504 «Физика-Информатика» және 6В01503 «Физика» бағдарламалары түлектерінің жұмысқа орналасу көрсеткіші 100%-ды, 6В05304 «Физика» бағдарламасы түлектерінің жұмысқа орналасу көрсеткіші 80%-ды құрайды.

Оқытушылар:
Кафедрада 22 оқытушы жұмыс істейді, олардың ішінде: ғылым докторлары, кандидаттар, магистрлер, Республикалық «Жоғары оқу орнының үздік оқытушысы» атағының иегерлері.

Үш тілді білім беру бағдарламасы:
Кафедра қазақ, орыс және ағылшын тілдерінде бір мезгілде оқытуды қарастыратын бағдарламалар әзірледі: 6В01504 «Физика-Информатика», 6В01503 «Физика», 6В05304 «Физика»

Диссертациялық кеңес:
2019 жылдан бастап кафедрада 6D060400 – Физика бағдарламасы бойынша PhD докторы дәрежесін беру үшін докторлық диссертацияларды қорғау жөніндегі диссертациялық кеңес жұмыс істейді. Кеңес төрағасы – профессор Н.Х. Ибраев.

Аккредиттеу және көшбасшылық:
Кафедраның бағдарламалары БСҚТҚА ұлттық аккредиттеуден өткен және «Атамекен», АРТА, БСҚТҚА ұлттық рейтингтерінде лайықты орындарға ие.

Серіктестер:
«Органикалық жартылай өнімдер мен бояғыштар институты» мемлекеттік ғылыми орталығы (Ресей)
РҒА Кристаллография институты (Ресей)
Химия және полимерлік материалдар технологиясы институты, Алматы қ. (Қазақстан)
Беларусь ҰҒА Б.И. Степанов атындағы физика институты (Беларусь)
Украина ҰҒА Органикалық химия институты (Украина)
Калининград мемлекеттік техникалық университеті (Ресей)
Қ.И. Сатпаев атындағы Қазақ мемлекеттік техникалық университеті. (Қазақстан)
М.В. Ломоносов атындағы Мәскеу мемлекеттік университеті. (Ресей)
Томск мемлекеттік политехникалық ұлттық-зерттеу университеті (Ресей)
Тарас Шевченко атындағы ұлттық университет (Украина)
Орынбор мемлекеттік университеті (Ресей)
Санкт-Петербург мемлекеттік университеті (Ресей)
Техас технологиялық университеті (АҚШ)
Томск мемлекеттік университеті (Ресей)
П.Н. Лебедев атындағы физикалық институт, РҒА (Ресей)
Физика-техникалық институты, Алматы қаласы (Қазақстан)
Лунд университетінің биохимия және құрылымдық биология орталығы (Швеция)
РҒА фотохимия орталығы (Ресей)
Брайтон университетінің фармацевтика және биомолекулалық ғылымдар мектебі (Ұлыбритания).

Зертханалық база:
Оқу зертханалары: физиканы оқыту әдістемесі; физикалық процестерді модельдеу; оптика және электромагнетизм.
Ғылыми-зерттеу зертханалары: фотопроцестерді компьютерлік модельдеу; төсем бетін плазмалық тазарту; жұқа қабыршақ технологиялары; химиялық синтез; наножүйелердегі электрондық процестер; люминесценция кинетикасы; наноматериалдар технологиялары; фотовольтаика; лазерлер физикасы; наноматериалдардың технологиялары мен спектроскопиясы; күн ұяшықтарын құрастыру; органикалық наноқұрылым технологиялары; импульсті фотолиз және магниттік әсерлер.
Студенттердің иелігінде информатика, бағдарламалау, сандық және аналогтық электрониканы оқуға арналған компьютерлік сыныптар бар.

Білім беру бағдарламалары

6В01503 «Физика»: бакалавриат. Бағдарлама үш тілді болып табылады және физика саласында теориялық білімі бар, орта оқу орындарында физиканы оқыту әдістемесін меңгерген бакалаврларды педагогикалық даярлаумен байланысты. Оқу барысында студент физика мен математиканың негізгі бөлімдерін, аса күрделі есептерді шешуді, кәсіби ағылшын тілін үйренеді. Студенттерге «Technique of translation of physical terms», «Физиканы оқыту әдістемесі», «Мектеп экспериментінің техникасы», «Nuclear and elementary-particle physics», «School physics work shop» сияқты өзекті пәндерді оқу ұсынылады. Түлектер білім бакалавры дәрежесін алады және мектептерде, колледждерде физика пәнінің мұғалімі ретінде жұмыс істей алады.

6В01504 «Физика-Информатика»: бакалавриат. Бағдарлама екі бейінді және үш тілді болып табылады. Ол физика және информатика саласында теориялық білімі бар, орта оқу орындарында физика және информатика пәндерін оқыту әдістемесін меңгерген бакалаврларды педагогикалық даярлаумен байланысты. Оқу барысында студент физика, информатика және математиканың негізгі бөлімдерін, күрделілігі жоғары есептерді шешуді, бағдарламалау тілдерін, кәсіби ағылшын тілін үйренеді. Студенттерге «Web-technology, Web-programming and internet technologies», «Object-oriented programming», «Физиканы оқыту әдістемесі», «Информатиканы оқыту әдістемесі», «Methodology of organization and holding of demonstration experiment in secondary school» сияқты өзекті пәндерді оқу ұсынылады. Түлектер білім бакалавры дәрежесін алып, мектептер мен колледждерде физика және информатика пәнінің мұғалімі ретінде жұмыс істей алады.

6В05304 «Физика»: бакалавриат. Бағдарлама үш тілді және физиканы зерттеумен байланысты. Студенттер табиғат құбылыстарын байқауға, зерттеуге және модельдеуге үйренеді. Оларға «Наноматериалдарды зерттеудегі компьютерлік модельдеу», «Рентгендік спектроскопия арқылы заттарды құрылымдық талдау», «Наноқұрылымдарды зерттеудің оптикалық әдістері», «Молекулалық спектроскопия», «Лазерлер физикасы» сияқты өзекті пәндерді зерделеу ұсынылады. Түлектер жаратылыстану ғылымдарының бакалавры дәрежесін алып, ғылыми орталықтардың, жоғары оқу орындарының лаборанттары мен инженерлері болып жұмыс істей алады.

7М015001101 «Физика»: магистратура. Бағдарлама ғылыми және педагогикалық кадрларды даярлауға бағытталған. Магистрант физиканы оқытудың заманауи технологияларын, қазіргі физиканың теориялық және практикалық мәселелерін зерттейді. Оқу жоспарына «Қолданбалы физикадағы инноватика», «Қазіргі физиканың өзекті мәселелері», «Жаратылыстану-ғылыми пәндерді оқытудағы заманауи педагогикалық технологиялар», «Физикадағы кәсіби шетелдік терминология», «Нанотехнология саласындағы компьютерлік әдістер» сияқты өзекті пәндер кіреді. Түлектер білім магистрі дәрежесін алып, жоғары оқу орнында сабақ бере алады, ғылыми-зерттеу қызметімен айналыса алады, мектептерде, колледждерде физика пәні мұғалімдері, ғылыми орталықтардың қызметкерлері, білім департаменттерінің мамандары болып жұмыс істей алады.

7М01501101 «Физика»: магистратура. Бағдарлама ғылыми-педагогикалық кадрларды даярлауға бағытталған. Магистранттарға «Сканерлейтін микроскопия әдістері», «Бір кристалдарды құрылымдық талдау», «Ядролық магниттік-резонанстық спектроскопия», «Заттағы физикалық процестерді және олардың қасиеттерін компьютерлік модельдеу», «Конденсацияланған ортадағы электрондық процестер» сияқты өзекті пәндерді зерделеу ұсынылады. Магистранттар пәндердің бір бөлігін ағылшын тілінде оқуға мүмкіндік алады. Түлектер жаратылыстану ғылымдарының магистрі дәрежесін алып, жоғары оқу орнында жұмыс істей алады, ғылыми-зерттеу қызметімен айналысады, ғылыми орталықтарда, жоғары оқу орындарында инженер, аға ғылыми қызметкер болып жұмыс істей алады.

8D05302 «Физика»: докторантура. Бағдарлама физика саласындағы ғылыми-педагогикалық кадрларды, зерттеушілерді даярлауға бағытталған. Докторанттарға «Сканерлеуші зондтық микроскопия», «Наноқұрылымдарды алу және зерттеу әдістері», «Функционалдық наноматериалдар: алу, қасиеттері, қолданылуы», «Наноқұрылымдар мен наноматериалдарды зерттеудің оптикалық және микроскопиялық әдістері», «Наноплазмоника» сияқты өзекті пәндерді зерделеу ұсынылады. Түлектер PhD философия докторы дәрежесін алады және жоғары оқу орындарында сабақ бере алады, ғылыми-зерттеу қызметімен айналысады, ғылыми-зерттеу институттарында, орталықтарда, зертханаларда, конструкторлық және жобалау бюроларында жұмыс істей алады.

Мұғалімдердің профильдері

Аманжолова Г.С.

Балтабеков А.С.

Бейсембаева Г.Т.

Есембекова Ж.Ж

Болатова Л.А.

Ибраев Н.Х.

Куанышбекова А.Б.

Камбарова Ж.Т.

Канапина А.Е.

Карстина С.Г.

Келғали Г.К.

Кудусов А.С.

Куанышбекова М.Е.

Қисабекова П.Ә.

Лауринас В.Ч.

Мусенова Э.К.

Садыкова А.С.

Омарова Г.С.

Рысмаганбетова С.К.

Сериков Т.М.

Сейсембекова Т.Е.

Тунгушбекова М.К.

Турдыбеков К.М.

ДОКУМЕНТЫ ДЛЯ АККРЕДИТАЦИИ