Білім алушы емтихан нәтижелеріне шағымдануға құқылы. Шағымдану себептері мынадай болуы мүмкін:
Білім алушы емтихан нәтижесін алған күні факультет деканының атына өтініш жазады. Өтініште міндетті түрде алынған емтихан бағасымен келіспеу себебін көрсету және негіздеу қажет.
Деканның қолбелгісі бар өтініш және білім алушының емтиханға жауап парағы университет ректорының бұйрығымен бекітілген апелляциялық комиссияға беріледі. Өтініш келесі жұмыс күні ішінде қаралады.
Апелляциялық комиссияның шешімі хаттама түрінде рәсімделеді және апелляциялық комиссияның төрағасы – факультет деканы білім алушыларға жеткізеді.
Апелляциялық комиссия отырысының хаттамасы деканат арқылы Тіркеуші кеңсеге беріледі. Емтихан бағасы апелляцияны ескере отырып, жүйеге енгізіледі және білім алушының жеке кабинетінен көре алады.
Егер апелляция қанағаттандырылмаса, емтихан бағасы өзгеріссіз қалады және жүйеге ешқандай өзгеріс енгізілмейді.
Білім алушы тест аяқталғаннан кейін 120 минут ішінде «Platonus» АЖ-де «Апелляциялар» модулі арқылы апелляция береді. Тестіленуші 20 минут ішінде сұрақтарды таңдап, апелляцияны жібереді.
Білім алушы апелляцияға шағымданғысы келетін сұрақтарды таңдайды және апелляцияны жібереді.
Апелляцияға берілген сұрақтар Тіркеуші кеңсесі тарапынан өңделіп, апелляциялық комиссияға жіберіледі. Комиссия материалдарды келесі жұмыс күні ішінде қарайды.
Апелляциялық комиссияның шешімі АЖ-ге енгізіледі, кейін жүйе автоматты түрде емтихан бағасын қайта есептейді және білім алушының жеке кабинетінде көруге болады.
Егер апелляция қанағаттандырылмаса, емтихан бағасы өзгеріссіз қалады және жүйеге ешқандай өзгеріс енгізілмейді.
Кері байланыс ауызша апелляциялық комиссияның төрағасы, мүшелері арқылы және электронды түрде университеттің LMS – "Платонус" жүйесі арқылы жүзеге асады.