кафедра меңгерушісі
педагогика ғылымдарының кандидаты
профессор ассистенті
Телефон: +7 (7212) 35-11-70
E-mail: o.svetla@mail.ru
Карбышев көшесі, 7, № 11 ғимарат
Бастауыш оқыту педагогикасы мен әдістемесі кафедрасы білім берудің жаңартылған мазмұны жағдайында халықаралық талаптарға сәйкес кәсіби қызметті жүзеге асыруға қабілетті бастауыш сынып мұғалімдерін даярлауды жүзеге асырады.
Кафедра бакалавриат, магистратура, докторантура бағдарламаларын ұсынады. Оқу барысында білім беру жүйесіндегі менеджмент, оқыту әдістемесі, педагогика, психология саласындағы теориялық және практикалық пәндер оқытылатын болады.
Кафедра түлектері бастауыш мектепте әдіскер, бастауыш сынып мұғалімі, менеджер болып жұмыс істей алады.
Кафедрада білім беру және педагогика тарихы, жалпы педагогика, кәсіптік білім беру теориясы мен әдістемесі саласының ғылыми мектептері қалыптасқан.
Даталар мен фактілер
Тарихы:
Педагогика кафедрасы өз тарихын 1983 жылдан бастайды. 80-жылдардың басында бастауыш білім беру жүйесі қарқынды дамыды. Осыған байланысты Орталық Қазақстанда жоғары білікті педагогикалық кадрларға деген қажеттілік туындады. Мамандардың өсіп келе жатқан сұранысын қанағаттандыру үшін 1983 жылы Қарағанды педагогикалық институтында «Бастауыш оқыту педагогикасы мен әдістемесі» мамандығына алғашқы қабылдау жүргізілді. 1984 жылы бастауыш оқыту педагогикасы мен әдістемесі атты жеке факультет құрылды, оның деканы болып п.ғ.к., доцент С.Қ. Нұртақанов тағайындалды.
1984 жылдан бастап «Бастауыш оқыту педагогикасы мен әдістемесі» кафедрасында бастауыш мектеп үшін күндізгі және сырттай оқу бөлімі бойынша педагог кадрларды даярлау жүзеге асырылды. 1987 жылы алғаш қабылданған студенттер оқуларын аяқтады.
1999 жылы кафедрада «Жалпы педагогика» мамандығы бойынша магистратура ашылды, ал 2001 жылы алғашқы магистранттар оқуды бітіріп шықты.
2001 жылы «Бастауыш оқыту педагогикасы мен әдістемесі» мамандығы бойынша екінші жоғары білім алу үшін бөлімше ашылды. Сол жылы «Бастауыш оқыту педагогикасы мен әдістемесі» кафедрасының ұжымы «Педагогика» мамандығы бойынша магистратура үшін мемлекеттік стандарт құру бойынша республикалық конкурсқа қатысты.
2004 жылы бастауыш оқыту педагогикасы мен әдістемесі кафедрасында «Бастауыш оқыту педагогикасы мен әдістемесі» мамандығы бойынша магистратура ашылды. Магистрлердің білім беру мазмұнында олардың психологиялық-педагогикалық және арнайы цикл пәндерін, атап айтқанда жоғары мектепте оқыту әдістемесін меңгеруіне басты назар аударылады. Педагогикалық факультеттің кадрлық және ғылыми әлеуеті магистранттардың зерттеу жұмыстарына жоғары ғылыми деңгейде жетекшілік етуге мүмкіндік береді
2006 жылы кафедра ұжымы «Бастауыш оқыту педагогикасы мен әдістемесі» (бакалавриат, магистратура) мамандығы бойынша мемлекеттік білім беру стандартын әзірлеуге қатысып, конкурстық комиссияның шешімімен жеңімпаз болып танылды
2011 жылы Ғылыми кеңестің шешімімен педагогика кафедрасы бастауыш оқыту педагогикасы мен әдістемесі кафедрасымен бірікті. Кафедра меңгерушісі болып п.ғ.д., бастауыш оқыту педагогикасы мен әдістемесі кафедрасының профессоры С.Қ. Абильдина тағайындалды.
2017 жылы педагогика ғылымдарының докторы, профессор С.Қ.Абильдинаның төрағалық етуімен диссертациялық кеңес (бейін бойынша доктор) ашылды, С.Қ.Абильдина бүгінде кафедра меңгерушісі болып табылады.
Қазіргі уақытта кафедраны п.ғ.к., профессор ассистенті С.А. Одинцова басқарады.
Оқытушылар:
Қазіргі уақытта кафедрада 21 адам жұмыс істейді, олардың 62%-ның ғылыми дәрежесі бар. Кафедрада «Қазақстан Республикасының жоғары оқу орнының үздік оқытушысы» республикалық атағының; ҚР педагогикалық ғылымдар Академиясының, ҚР Халықаралық ақпараттандыру академиясының, Мәскеу қ. халықаралық педагогикалық білім беру академиясының, Еуразиялық халықаралық экология және тіршілік қауіпсіздігі ғылымдары академиясының академиктері; өнертапқыштықты дамытуға қосқан үлесі үшін А. Нобель медалінің, Т.К.Қамзабаев атындағы сыйлықтың иегері, «Еуропалық сапа» алтын медалі, «Ы.Алтынсарин» белгісінің иегерлері бар.
Аккредиттеу және көшбасшылық:
Кафедраның барлық білім беру бағдарламалары білім беру сапасын қамтамасыз ету жөніндегі тәуелсіз қазақстандық агенттікпен аккредиттелген. Олар ұлттық рейтингте жоғары орындарға ие.
Серіктестер:
Кафедра шетелдік әріптестермен, соның ішінде педагогтің халықаралық кәсіби даму институтының (Ресей), Әулие Кирилл және Мефодий университетінің (Словакия), Баку мемлекеттік университетінің (Әзірбайжан) профессорларымен ынтымақтастық орнатуда.
Жобалар:
Кафедра оқытушылары ҚР БҒМ және сыртқы тапсырыс берушілер қаржыландыратын ғылыми жобаларды жүзеге асырады:
Инклюзивті білім беру жағдайында педагогикалық кадрларды кәсіби қызметке даярлау. Жоба жетекшісі: п.ғ.д., профессор С.Қ. Абильдина.
Инклюзивті білім беру аясында студенттердің волонтерлік қызметін ғылыми-әдістемелік сүйемелдеу. Жоба жетекшісі: п.ғ.д., профессор С.Қ. Абильдина.
Қарағанды қаласының №68 мектеп-интернат-балабақшасының тапсырысы бойынша бастауыш сынып оқушыларының зияткерлік әлеуетін дамыту.
Жұмысқа орналастыру:
Кафедра түлектері еңбек нарығында сұранысқа ие, олардың жұмысқа орналасу көрсеткіші 95%-ды құрайды.
Білім беру бағдарламалары
6B01301-Бастауыш оқыту педагогикасы мен әдістемесі: бакалавриат. Бағдарлама бастауыш сынып мұғалімі қызметінің әдіснамалық, психологиялық-педагогикалық және әдістемелік негіздерін зерделеумен байланысты. Оқу барысында студент оқу-тәрбие міндеттерін шешуге, білім алушылардың жас ерекшеліктеріне, психофизикалық, жеке ерекшеліктеріне және ерекше білім беру қажеттіліктеріне сәйкес оқыту мен тәрбиелеудің нысандары мен әдістерін қолдануға; ғылыми зерттеулер жүргізуге; орта білім берудің жаңартылған мазмұны жағдайында бастауыш мектептің оқу пәндері бойынша сабақтарды жоспарлауға және өткізуге; білім алушыларда рефлексия дағдыларын дамытуға үйренеді. Студенттердің пәндердің бір бөлігін ағылшын тілінде оқуға мүмкіндігі бар.
Түлектер білім бакалавры дәрежесін алып, бастауыш сынып мұғалімі, мектеп директорының оқу-тәрбие, ғылыми-зерттеу жұмыстары жөніндегі орынбасарлары, бастауыш мектеп бойынша білім департаментінің әдіскері болып жұмыс істей алады.
7М01300301-Бастауыш оқыту педагогикасы мен әдістемесі: магистратура. Бағдарлама жоғары және орта кәсіптік білім беру жүйесі, ғылыми-зерттеу саласы үшін ғылыми-педагогикалық кадрларды даярлауға бағытталған. Бітіруші педагогика ғылымдарының магистрі дәрежесін алады және кез келген білім беру деңгейіндегі оқу орындарында менеджер лауазымын атқара алады және сабақ бере алады.
8D01301-Бастауыш оқыту педагогикасы мен әдістемесі: докторантура. Оқу процесінде докторант психологиялық-педагогикалық цикл пәндерін оқытуды, заманауи педагогика мен психологияның жетістіктерін ескере отырып, әдістемелік сүйемелдеуді әзірлеуді және оқу үдерісіне енгізуді, психологиялық-педагогикалық ғылымның өзекті мәселелері бойынша ғылыми зерттеулерді ұйымдастыруды және жүргізуді, кәсіби қызметке инновацияларды ілгерілету және енгізу мақсатында барлық мүдделі кәсіптік қоғамдастықтармен өзара іс-қимыл жасауды, білім мен ғылымның дамуын ескере отырып, басқарушылық қызметті жүзеге асыруды үйренеді. Докторантура түлектеріне PhD философия докторы дәрежесі беріледі, олар жоо-да, біліктілікті арттыру институттарында сабақ бере алады, ғылыми-зерттеу институттарында жұмыс істей алады.
Мұғалімдер профильдері
Абильдина С.К.
