кафедра меңгерушісі
PhD докторы
қауымдастырылған профессор
Телефон: +7 7212 770368
E-mail: janbolatbei@mail.ru
Мұқанов көшесі, 1, № 7 ғимарат
Instagram
Дене мәдениетінің ілімі мен әдістемесі және спорттық дайындық кафедрасы дене тәрбиесі және спорт салалары үшін мамандар даярлауды жүзеге асырады. Кафедра «Дене шынықтыру және спорттық-сауықтыру дене шынықтыру» білім беру траекториясы бойынша бакалавриат және магистратура бағдарламаларын ұсынады.
Оқыту бағдарламасына «Оқыту әдістемесімен ұлттық спорт түрлері», «Спорттық медицина және дене жағдайының мониторингі», «Бұқаралық дене шынықтыру-спорттық іс-шараларды ұйымдастыру және өткізу технологиясы», «Білім беру мекемелеріндегі фитнес-технологиялар», «Спорттық-педагогикалық шеберлік негіздері», «Дене шынықтыру педагогикасы және психологиясы» сияқты өзекті пәндер кіреді.
Кафедра түлектері мектептерде, колледждерде, жоғары оқу орындарында сабақ бере алады, спорттық ұйымдарда жаттықтырушы болып жұмыс істей алады, білім беру, спорт, дене саулығы саласында зерттеу қызметімен айналыса алады.
Студенттер заманауи спорт залдарына, мамандандырылған кабинеттерге, ғылыми кітапханаға қол жеткізе алады. Кафедра жалпы білім беретін және спорт мектептері базасында, факультеттің зерттеу алаңдарында кәсіби практикадан өтуді қамтамасыз етеді.
Кафедраның ғылыми қызығушылықтары спорттық білім беру мәселелерімен, дене шынықтыруды оқыту технологияларымен, салауатты өмір салты идеясын қоғамдық ілгерілетумен байланысты.
Даталар мен фактілер
Тарихы:
«Дене шынықтыру және спорт» мамандығы бойынша кадрлар даярлау 1959 жылы жаратылыстану ғылымдары факультетінің бөлімінде, кейін Қарағанды педагогикалық институтының дене тәрбиесі факультетінде басталды. Спорттық-педагогикалық циклдің барлық пәндерін оқыту дене тәрбиесі кафедрасына жүктелді.
1970 жылдың желтоқсан айында дене тәрбиесі ілімі мен әдістемесі, дене тәрбиесі тарихы және оны ұйымдастыру кафедралары құрылып, жаңа кафедралар ашылды.
Әр жылдары кафедраны А.Б. Акимов, Д.Ф. Матущак, Н.Б. Гордейко, Ю.Т. Баймагамбетов, Л.А. Громова, В.И. Ивлев, Б.С. Карманов, Ш.Т. Тулегенов, С.Ж. Сыздыкова басқарды.
2014 жылы кафедра «Дене мәдениетінің ілімі мен әдістемесі және спорттық дайындық» деген атауға ие болды.
Оқытушылар:
Кафедрада 23 оқытушы жұмыс істейді, олардың арасында PhD докторлары, ғылым кандидаттары, магистрлер, «Қазақстан Республикасының жоғары оқу орнының үздік оқытушысы» республикалық атағының иегерлері бар. Олар: кафедра меңгерушісі профессор Божиг Жанболат., профессор Т.А. Киспаев, профессор У.А. Ахметжанова, доцент Г.Б. Дуанбекова, PhD К.Б. Аданов, доцент А.Н. Иманбетов.
Білім алушылар:
5В010800/6В01403 – «Дене шынықтыру және спорт» білім беру бағдарламасы бойынша 2018-2019 оқу жылында – 119, 2020-2021 оқу жылында – 211; 6М010800/ 7М01400501 – «Дене шынықтыру және спорт» білім беру бағдарламасы бойынша 2018-2019 оқу жылында – 9, 2019-2020 оқу жылында – 4, 2020-2021 оқу жылында – 9 адам білім алды. Студенттер арасында Қазақстанның түрлі облыстарының өкілдері, Моңғолия, Қытай, Ресей, Өзбекстан және т.б. елдердің азаматтары бар.
Жұмысқа орналастыру:
Кафедра түлектерінің жұмысқа орналасу көрсеткіші 84%-ды құрайды.
Аккредиттеу және көшбасшылық:
Кафедраның білім беру бағдарламалары БСҚТА ұлттық аккредиттеуден өткен және Ұлттық рейтингте лайықты орындарға ие: 5В010800 – «Дене шынықтыру және спорт» білім беру бағдарламасы: 2019 жылы АРТА рейтингісінде 3-орын және БСҚТА рейтингісінде 3-орын, 2020 жылы АРТА рейтингісінде 6-орын және БСҚТА рейтингісінде 4-орын; 6М010800 – «Дене шынықтыру және спорт» білім беру бағдарламасы: 2019 жылы БСҚТА рейтингісінде 2-орын және АРТА рейтингісінде 3-орын, 2020 жылы БСҚТА рейтингісінде 3-орын және РАТА рейтингісінде 8-орын алды.
Серіктестер:
Сібір мемлекеттік дене мәдениеті және спорт университеті (Ресей)
Алтай мемлекеттік педагогикалық университеті (Ресей)
Мәскеу мемлекеттік облыстық университеті (Ресей)
Моңғол мемлекеттік білім университеті (Моңғолия)
Аварга Институты (Моңғолия).
Білім беру бағдарламалары
6В01403 – шынықтыру және спорт: бакалариат. Бағдарлама оқу процесін ұйымдастыру және оқу процесін басқару дағдылары бар бәсекеге қабілетті спорт мұғалімін дайындаумен байланысты. Оқу барысында студенттер адамның белгілі бір кәсіби немесе спорттық іс-әрекетіне қажетті дене қабілеттерін, моториканы және дағдыларды дамытуға бағытталған білім алады. Түлектер бакалавр дәрежесін алады және мектепке дейінгі мекемелерде, жалпы білім беретін мектептерде, гимназияларда, лицейлерде, колледждерде, балалар спорт мектептерінде, фитнес клубтарда, дене шынықтыруды басқару органдарында жұмыс істей алады.
7М01400501 - Дене шынықтыру және спорт: магистратура. Бағдарлама дене шынықтыру және спорт саласындағы теориялық және қолданбалы сипаттағы білімі бар, ғылыми-педагогикалық қызметте олардың кәсіби жарамдылығы мен бәсекеге қабілеттілігін қамтамасыз ететін мамандарды іргелі ғылыми-практикалық даярлауға бағытталған. Магистранттар теориялық білім, ғылыми-зерттеу және ғылыми-педагогикалық жұмыс дағдыларын игереді. Даярлау ғылыми-педагогикалық бағыт бойынша 2 жыл мерзімге және бейіндік бағыт бойынша 1 жыл мерзімге жүзеге асырылады. Түлектер білім магистрі дәрежесін алады және мектептерде, гимназияларда, лицейлерде, колледждерде, университеттерде сабақ бере алады, ғылыми-зерттеу жұмыстарымен айналысады, балалар спорт мектептерінде, дене шынықтыруды басқару органдарында спорт және фитнес клубтарында жұмыс істей алады.
