кафедра меңгерушісі
биология ғылымдарының кандидаты
ассистент профессора
Телефон: +7 7212 35 63 72
E-mail: fizio210@mail.ru
Университет көшесі 28, № 3 ғимарат
instagram
Физиология кафедрасы «7M05201 – Экология», «7M05102 – Биотехнология», «8D05101 – Биология» білім беру бағдарламалары бойынша мамандар даярлайды.
Оқыту бағдарламасына «Экологиядағы зерттеу әдістері», «Табиғи ресурстарды ұтымды пайдалану», «Экологиядағы, биотехнологиядағы инновация», «Биомедицина және нанотехнология», «Ғылыми және ғылыми-техникалық қызмет нәтижелерін коммерцияландыру», «Қоршаған ортаны қорғаудың биотехнологиялық әдістері», «Биоэтика және биологиялық қауіпсіздік», «Заманауи биологияның мәселелері», «Молекулалық генетика» сияқты өзекті пәндер кіреді.
Кафедра түлектері орта білім беру мекемелерінде, жоғары оқу орындарында, ғылыми-зерттеу зертханаларында, қоршаған ортаны қорғау ұйымдарында және т.б. салаларда жұмыс істей алады.
Кафедраның ғылыми қызығушылықтары экологияның, физиологияның, биотехнологиялық зерттеулердің, қоршаған ортаны қорғаудың өзекті мәселелерімен байланысты.
Даталар мен фактілер
Тарихы:
Адам және жануарлар физиологиясы кафедрасы жеке кафедра ретінде 1966 жылы зоология кафедрасын адам және жануарлар физиологиясы мен зоология тәрізді 2 кафедраға бөлу нәтижесінде құрылды. Оның құрылған сәтінен бастап 1973 жылға дейін кафедраны м.ғ.д., профессор Паулина Семеновна Кравицкая басқарды.
1965 жылы зоология кафедрасында физиология мамандығы бойынша П.С.Кравицкаяның жетекшілігімен аспирантура құрылды.
1973-1979 жылдары адам және жануарлар физиологиясы кафедрасын б.ғ.к., доцент К.И. Құлжанова басқарды. К.И. Құлжанова басшылығымен факультетте анатомиялық мұражай ұйымдастырылды.
1979-1992 жылдар аралығында кафедраны б.ғ.к., доцент Х.Ж. Аубакирова басқарды. Кафедраны басқару кезінде үлкен оқу-әдістемелік, тәрбиелік және ғылыми-зерттеу жұмыстарын жүргізді. Ғылыми-зерттеу жұмысының қорытындысы бойынша кафедра факультет кафедралары арасында жетекші орынға ие болды.
1992-1996 жылдары кафедраны м.ғ.к., доцент Д.М. Джангозина басқарды. Доцент Д.М. Джангозина кафедраны басқару барысында жас оқытушылардың ғылыми өсуіне ерекше назар аударды
1996-2007 жылдары кафедра меңгерушісі м.ғ.д., профессор Н.К. Смағұлов болды. Сол жылдары «Адам ағзасының функционалдық жағдайына қолайсыз факторлардың әсері» бағыты бойынша ғылыми мектеп құрылды. Профессор Н.К. Смағұлов жетекшілігімен 10-нан астам кандидаттық диссертация қорғалды: С.А. Блялев, З.Т.Кыстаубаева, Г.Ж. Мукашева, А.Е. Сатыбалдина,
2007-2022 жылдары кафедра меңгерушісі б.ғ.к., доцент Г.М. Тыкежанова болды. 2022 жылдан бастап физиология кафедрасын б.ғ.к. профессор ассистенті Г.Ж. Мукашева басқарады.
Білім беру бағдарламалары:
2001 оқу жылында «7М05201-Экология» мамандығы бойынша магистратура ашылды. Қазіргі уақытта 7 магистрант білім алуда. 2014 жылы «6D060700 – Биология» мамандығы бойынша докторантура ашылды. Алғаш рет бір білім алушы қабылданса, қазіргі уақытта 6 докторант білім алуда.
2019 жылы «7М05102 – Биотехнология» мамандығы бойынша магистратура ашылды, қазіргі уақытта 7 магистрант білім алуда.
Жұмысқа орналастыру:
Кафедраның барлық түлектері университетті бітіргеннен кейін бірден жұмысқа орналасады.
Мұғалімдер:
Кафедрада 10 оқытушы жұмыс істейді, оның ішінде 70%-ның ғылыми дәрежесі бар, 30%-ы республикалық «ЖОО үздік оқытушысы» атағына ие: Н.К. Смағұлов – 2006 ж., А.Е. Конкабаева – 2012 ж., Г.М. Тыкежанова – 2015 ж.
Диссертациялық кеңестер:
Факультетте «6D060700 – Биология» мамандығы бойынша диссертациялық кеңес жұмыс істейді, төрайымы – м.ғ.д., кафедра профессоры А.Е. Конкабаева.
Аккредиттеу және көшбасшылық:
Кафедраның барлық бағдарламалары білім беру сапасын қамтамасыз ету жөніндегі Тәуелсіз агенттікпен аккредиттелген, олар 2020 жылғы Ұлттық рейтингтердегі үздік бағдарламалардың қатарына кіреді.
Серіктестер:
Кафедра Бен-Гурион университетімен (Израиль), Вроцлав қоршаған ортаны қорғау және жер туралы ғылымдар университетімен (Польша), Санкт-Петербург мемлекеттік университетімен, Томск техникалық университетімен, Новокузнецк мемлекеттік университетімен (Ресей) белсенді ынтымақтастық орнатқан.
Білім беру бағдарламалары
7М05201 – Экология: магистратура. Бағдарлама экология, табиғатты қорғау және табиғатты ұтымды пайдалану саласындағы ғылыми зерттеулерді зерттеумен байланысты. Оқу процесінде магистрант нысандарды талдауды, жіктеуді және нәтижелерді ресімдеуді, ғылыми зерттеулерді орындауды, ғылыми зерттеулердің нәтижелерін өндіріске енгізуді, экологиялық сараптамалар, экологиялық аудит жүргізуді үйренеді. Магистранттардың пәндердің бір бөлігін ағылшын тілінде оқуға мүмкіндігі бар. Түлектер жаратылыстану ғылымдарының магистрі дәрежесіне ие болады және мемлекеттік, жергілікті, аймақтық, шетелдік мекемелер мен кәсіпорындарда эколог және жетекші мамандар, тендерлік негізде және әртүрлі экологиялық қорларда орындалатын жобаларда эколог-сарапшы, жоғары оқу орындарының оқытушылары, экологиялық сақтандырумен, аудитпен және кәсіпорындарды лицензиялаумен айналысатын ұйымдарда жетекші мамандар болып жұмыс істей алады.
7М05102– Биотехнология: магистратура. Бағдарлама микробтық, өсімдік, жануар тектес биологиялық нысандарды зерттеумен байланысты. Оқу процесінде магистрант биотехнология саласында ғылыми-зерттеу жұмыстарын жүргізуді, микроорганизмдердің, өсімдіктер мен жануарлардың көмегімен биотехнологиялық процестерді іске асыру үшін жағдайларды қамтамасыз етуді, биотехнология бойынша кешенді зерттеулерді жобалауды және жүзеге асыруды үйренеді. Магистранттарда пәндердің бір бөлігін ағылшын тілінде оқу мүмкіндігі бар. Түлектер жаратылыстану ғылымдарының магистрі дәрежесін алып, ғылыми-зерттеу институттары мен биотехнологиялық, биологиялық, медициналық, ауыл шаруашылығы бағытындағы жоғары оқу орындарында ғылыми қызметкерлер, жоғары оқу орындарының оқытушылары, биотехнологиялық орталықтар мен зертханаларда жетекші мамандар болып жұмыс істей алады.
8D05101 – Биология: докторантура. Бағдарлама биологияның заманауи мәселелерін, биология ғылымының негізгі бағыттарын зерттеумен байланысты. Оқу процесінде докторант ғылыми зерттеулер жүргізу кезінде кешенді биологиялық ақпаратты пайдалану негізінде биологиялық мәселелерді шешу принциптерін тұжырымдауды, жаратылыстану ғылымдары саласындағы заманауи талаптарға сәйкес ғылыми-зерттеу және педагогикалық қызметті жүзеге асыруды үйренеді. Докторанттардың пәндердің бір бөлігін ағылшын тілінде оқуға мүмкіндігі бар. Түлектер PhD философия докторы дәрежесін алады және ғылыми-зерттеу институттары мен жобалау салалық институттарында ғылыми қызметкерлер, мемлекеттік, жергілікті, аймақтық, шетелдік мекемелер мен кәсіпорындарда жетекші мамандар, жоғары оқу орындарының оқытушылары, медициналық микробиология, вирусология, өсімдіктер физиологиясы және даму биологиясы, адам және жануарлар физиологиясы, зоология саласындағы зерттеулермен айналысатын ұйымдарда жетекші мамандар ретінде жұмыс істей алады.
