ВЕРСИЯ ДЛЯ СЛАБОВИДЯЩИХ

"Қыстың шуақты демалысы: Бөкетов университеті ұжымы «Ақжайық» шипажайында"

Қарағанды Бөкетов университетінің басшылығы мен кәсіподақ комитеті Қазақстан Республикасының Тәуелсіздік күні қарсаңында 20 оқытушы мен қызметкерді Сарыағаш минералды су курорттық аймағында орналасқан «Ақжайық» шипажайына жіберді. Демалыс осы жылдың 24 желтоқсанына дейін жалғасады. Демалушылардың айтуынша, бұл шипажай Қазақстандағы ең жақсы курорттық аймақтардың бірі. Қарағандыда аяз көтеріліп, Жаңа жылдың жақындағаны әбден сезілген болса, біздің қызметкерлер мен оқытушылар құрамы қазір шырайлы да, шуақты Түркістан облысында демалуда. 7 күн бойы университет қызметкерлері сауықтыру бағдарламасынан өтеді, оған күш-қуатты жақсартуға көмектесетін медициналық процедуралар ғана емес, сонымен қатар Оңтүстік Қазақстанның тарихи жерлеріне жасалатын қызықты саяхаттар да жатады. Университет ұжымы әріптестеріне жаңа жыл қарсаңында уақыттарын қызықты, көңілді әрі пайдалы өткізулеріне тілектес екендерін білдіруде.