ИНТЕГРАЦИЯ ЖОЛЫНДАҒЫ МАҢЫЗДЫ ҚАДАМ
Е. А. Бөкетов атындағы Қарағанды университетіне археологиялық зерттеулер саласында әлемдік көшбасшылардың бірі саналатын Францияның «Éveha International» компаниясының делегациясы келді.«Éveha International» компаниясы дала және құтқару археологиялық жұмыстары бойынша көпжылдық тәжірибеге ие, әлемнің 30 елінде — Еуропадан Азияға, Америка мен Африкаға дейін — 80-нен астам ірі жобаны жүзеге асырған. Бұл ынтымақтастық Қарағанды университетінің халықаралық ғылыми байланыстарын дамыту және археология саласындағы ғылыми қызметтің көкжиегін кеңейту жолындағы маңызды қадам болды.Делегация құрамында археолог мамандар: компания директоры Крессен Тома (Creissen Thomas), сондай-ақ қызметкерлері Брогли де Моура Самара (Broglia de Moura Samara), Рика Симон (Ricca Simone) және Дубуис Гийом (Dubuis Guillaume) болды.Кездесу барысында археология саласындағы бірлескен ғылыми-зерттеу қызметінің маңыздылығы атап өтілді. Делегация мүшелері археология және этнография музейінің экспозициясымен танысып, Сарыарқа археологиялық институтының қорларында сақталған антропологиялық материалдарды, остеологиялық және керамикалық коллекцияларды көріп шықты. Бұл артефактілер тек Қазақстан мамандары үшін ғана емес, сонымен қатар халықаралық ғылыми қауымдастық үшін де қызығушылық тудырады. Коллекциялар — өңірдің тарихи-мәдени мұрасын зерттеуге арналған құнды материалдарды қамтитын бірегей ғылыми ресурстар және олар пәнаралық зерттеулерде кеңінен қолданылады. Әсіресе, «Éveha International» компаниясы қолданатын далалық зерттеу, артефактілерді құжаттау және сақтау әдістері ерекше қызығушылық тудырды.Келіссөздер барысында ықтимал әріптестіктің келесі бағыттары жан-жақты талқыланды:бірлескен ғылыми-зерттеу жобаларын әзірлеу және жүзеге асыру;халықаралық гранттық бағдарламаларға қатысу;студенттер мен оқытушыларға арналған тағылымдамалар, жазғы мектептер мен академиялық ұтқырлық бағдарламаларын ұйымдастыру;Қазақстанда және шетелде бірлескен далалық археологиялық жұмыстар мен құтқару қазбаларын жүргізу;мамандар мен ғылыми жарияланымдармен алмасу.Сапар қорытындысында Е. А. Бөкетов атындағы Қарағанды университеті мен Францияның «Éveha International» компаниясы арасында өзара ынтымақтастық туралы меморандумға қол қойылды. Бұл құжат ғылым, білім және мәдени алмасу саласындағы жүйелі өзара әрекеттестікке негіз болады.Бұл сапар қазақстандық археологияны халықаралық ғылыми кеңістікке интеграциялау, зерттеу көкжиектерін кеңейту және университеттің аймақтағы алдыңғы қатарлы гуманитарлық және археологиялық зерттеулер орталығы ретіндегі беделін нығайту жолындағы маңызды қадам болды.
