Академик Е.А. Бөкетов атындағы Қарағанды университетінің студенттері ХХХІІ Дүниежүзілік қысқы универсиадаға (Италия, Турин) қатысуда: Альмира Ибрагимова, дене шынықтыру және спорт факультетінің студенті, шайбалы хоккейден 1 ересек разрядтың иегері. Астана командасы құрамасындағы қысқы жастар ойындарының жүлдегері. Александра Быстрова, дене шынықтыру және спорт факультетінің студенті, шайбалы хоккейден 1 жасөспірімдік разряды бар. 2020 жылғы қысқы жастар ойындарының қатысушысы. Дамир Курманов, дене шынықтыру және спорт факультетінің студенті, шорт-тректен спорт шебері, ҚР бірнеше дүркін чемпионы, Азия балалары-2019 І қысқы ойындарының чемпионы, 2024 жылы Италияда өткен Alta Valtellina Trophy халықаралық турнирінің жүлдегері. Балаларға ХХХІІ Дүниежүзілік қысқы универсиадада сәттілік тілейміз!
