Академик Е.А. Бөкетов атындағы Қарағанды зерттеу университетіне Елші Нико Шермерс бастаған Нидерланды Корольдігінің Орталық Азиядағы Елшілігінің делегациясы келді. Оған сонымен қатар: Айгүл Қаженова, экономикалық және академиялық дипломатия жөніндегі аға офицер; Дарын Аманжан – халық дипломатиясы және коммуникация қызметкері.
Шетелдік қонақтармен бірге Басқарма мүшесі, стратегиялық даму жөніндегі проректор - Е.Ж. Сармурзин; Басқарма мүшесі – Ғылыми жұмыс жөніндегі проректордың м.а. - Зейниденов А.К.; Басқарма мүшесі, академиялық мәселелер бойынша проректордың м.а. - Умуркулова М.М.,; Басқарма мүшесі, әлеуметтік-мәдени даму жөніндегі проректоры Сыздықов М.Ж.; Успанова М.В., Халықаралық ынтымақтастық басқармасының басшысының м.а. болды.
Кездесу барысында Бөкетов университеті мен Нидерланды Корольдігі арасындағы екіжақты ынтымақтастықтың келешегі мен мүмкіндіктері талқыланды. Әр тарап өз қызметі туралы кең көлемде ақпарат берді. Белгілі болғандай, Нидерланды Корольдігі Батыс Еуропада орналасқан материкті және Кариб теңізіндегі үш аралды - Бонайре, Саба және Әулие Эстатиусты қамтитын еуропалық мемлекет. Аумағы – 41 543 км² (жері – 33 888 км², суы – 7 650 км²), халқы 17 миллионнан астам адам.
Нидерланды экономикасы әлемде 16-шы орында тұрған жоғары дамыған мемлекет. Мемлекет инновациялық құрамдас бөлікке баса назар аудара отырып, жоғары дамыған нарықтық экономикаға ие. Ел экономикасының құрылымында энергетика мен ауыл шаруашылығы (мал және өсімдік шаруашылығы) ерекше орын алады. Сонымен қатар, Нидерланды әлемдегі ең ірі көкөністер мен гүлдер өндірушілерінің және экспорттаушылардың бірі болып табылады және жер шарының 0,008% алып жатыр. Бұл ел ауылшаруашылық өнімдерін экспорттау жөнінен дүние жүзінде АҚШ-тан кейінгі екінші орында саналады.
Ресми бөлімнен кейін Елші университет студенттерімен кездесті. Студенттер Қазақстан мен Нидерланды арасындағы дипломатиялық қарым-қатынастар, экономикалық байланыстар, академиялық ұтқырлық туралы сұрақтар қоюға мүмкіндік алды. Елші Нико Шермес ұсынған презентациядан кейін ол шетел студенттерінің Нидерландыда білім алуына қатысты мәселелер туралы: студенттік өмір, студенттердің толық емес жұмыс күні және оқуды бітіргеннен кейінгі жұмыс туралы егжей-тегжейлі айтып берді.
Іс-шара жылы, достық атмосферада өтті.
