Бүгін философия және психология факультетінің әлеуметтік жұмыс және әлеуметтік педагогика кафедрасының аға оқытушысы Ахметова Индира Әбдіғазымқызы Неджаттин Эрбакан университетінің Незахат Келешоглу атындағы денсаулық ғылымдары факультеті, әлеуметтік жұмыс бөлімі "Әлеуметтік жұмыс" білім беру бағдарламасының 2 курс студенттері үшін "Қазақстандағы әлеуметтік жұмыс және еріктілік" тақырыбында шетелдік қонақ дәріскер ретінде дәріс оқыды.Дәріс барысында Қазақстандағы әлеуметтік жұмыстың қалыптасуы мен дамуы, қазіргі әлеуметтік қызмет көрсету жүйесі және оның құрылымы, еріктілік және оның қазақ қоғамындағы тарихи маңызы, жастардың әлеуметтік жұмыстағы рөлі және олардың еріктілікке қатысуы, сондай-ақ "Good Way" еріктілер клубының қызметі мен тәжірибелері қарастырылды. Бұл дәріс студенттерге Қазақстандағы әлеуметтік жұмыс пен еріктіліктің дамуы туралы маңызды ақпарат беріп, осы салада болашақта өз үлестерін қосуға ынталандырды.