Қазіргі әлем үздіксіз дамуды талап етеді, сондықтан «өмір бойы білім алу» тұжырымдамасы кез келген жастағы адамдар үшін маңызды болуда. Әсіресе, 50 жастан асқан адамдар үшін бұл кезең жаңа мүмкіндіктердің, өзін-өзі дамытудың және қоғам өміріне белсенді араласудың уақыты.Қарағанды университетінің Күміс университеті – бұл жай ғана білім беру алаңы емес, 50+ жастағы адамдарға қолдау көрсететін және олардың жеке дамуына ықпал ететін орталық. Мұнда олар жаңа білім алып, жаңа дағдыларды меңгеріп, менталдық әл-ауқатын нығайтады.Осы миссия аясында 18 наурыз күні Қосымша білім беру факультеті «Эмоционалды тұрақтылық пен менталдық әл-ауқатты дамыту» тақырыбында семинар ұйымдастырды. Ересек жастағы адамдар кәсіби қызметтегі, әлеуметтік рөлдегі және физикалық денсаулықтағы өзгерістермен бетпе-бет келеді, бұл өз кезегінде бейімделгіштікті, икемділікті және эмоцияларды басқару қабілетін талап етеді.Семинардың спикері Оксана Юрьевна Панасиди болды –когнитивті-бихевиоралды психотерапия және экзистенциалды психология саласының маманы, «Позитивное развитие» ЖШС басшысы, Серебряный университеті кеңесінің мүшесі. Қатысушылар эмоционалды тұрақтылық пен саналы әрекеттерді дамытуға көмектесетін тиімді әдістермен танысты, бұл олардың өмірлік қиындықтарды еңсеруіне септігін тигізеді.Білім тек жастық шақпен шектелмейді – ол бүкіл өмір бойы жалғасып, өзін-өзі жүзеге асыруға, денсаулықты нығайтуға және әлеуметтік белсенділікті сақтауға жаңа мүмкіндіктер ашады. Серебряный университеті – бұл 50+ жастағы адамдарға өсуді, үйренуді және жаңа жетістіктерге шабыт алуды жалғастыруға мүмкіндік беретін кеңістік!