26 ақпанда шет тілдер факультетінде Қарағанды университетінің тұңғыш ректоры академик Е.А. Бөкетовтің 100 жылдығына және ойшыл Әбу Насыр әл-Фарабидің 1155 жылдығына арналған ағылшын тілінен «Polyglot-2025» зияткерлік сайысы өтті.Шараға әрқайсысы 3 адамнан тұратын 7 команда қатысты. Сайыс үш кезеңнен тұрды. Студенттерге аттары аңызға айналған екі тұлғаның қызметіне қатысты сұрақтарға жауап беріп, логикалық ойлау қабілеттерін қоса отырып, астарлы мәні бар тапсырмаларды орындау, әйгілі мақал-мәтелдерді қазақ, орыс, ағылшын тілдеріне аудару керек болды.Барлық командалар интеллектуалды, білімдар әрі ағылшын тілін өте жақсы меңгерген болып шықты, сонда да шет тілдер факультетінің студенттері үздік шығып, 1 орынды иеленді, 2 орын математика және ақпараттық технологиялар факультетіне, 3 орын биология және география факультетінің командасына бұйырды. Жеңімпаз командаларға ақшалай сертификаттар табысталды.
