2025 жылғы 25 ақпанда академик Е.А. Бөкетов атындағы Қарағанды университетіне химия ғылымдарының кандидаты, доцент және Инфохимия ғылыми-білім беру орталығының «Есептеу химиясы» бағыты бойынша топ жетекшісі Александр Сергеевич Новиков келді.Сапар барысында ол ғылым жөніндегі проректор Тажбаев Еркебұлан Мұратұлымен кездесіп, ғылыми ынтымақтастықтың болашағы мен бірлескен жобаларды іске асыру мүмкіндіктерін талқылады.Сондай-ақ, Александр Сергеевич университеттің археологиялық музейіне барып, өңірдің тарихи және мәдени мұрасын көрсететін бірегей экспонаттармен танысты. Сонымен бірге, ол физика-техникалық факультетке барып, оқытушылар мен студенттермен кездесіп, химиялық зерттеулер мен ғылымдағы цифрлық технологиялардың заманауи үрдістерін талқылады.Александр Сергеевич Новиковтың сапары университет үшін маңызды оқиға болды және ғылыми саладағы одан әрі ынтымақтастыққа жаңа мүмкіндіктер ашты.
