«Мейрамхана ісі және мейманхана бизнесі» білім беру бағдарламасы бойынша ІV Халықаралық қашықтық олимпиада

2023 жылғы 30-31 наурыз аралығында академик Е.А.Бөкетов атындағы Қарағанды университеті, маркетинг кафедрасы, сондай-ақ цифрлық экономиканы зерттеу институты сіздерді «Мейрамхана ісі және мейманхана бизнесі» білім беру бағдарламасы бойынша ІV Халықаралық қашықтық олимпиадаға қатысуға шақырады.

29 наурызға дейін қашықтықтан өтетін халықаралық олимпиадаға қатысуға ниет білдірген командалар ұйымдастыру комитетінің электрондық мекенжайына белгіленген қалып бойынша өтінім жіберуі қажет: rdgb_olympics_ksu@mail.ru. Бір оқу орнынан 2 командадан артық емес өтінім берілуі мүмкін. Олимпиадаға 3 адамнан тұратын командалар қатыса алады.

Бірінші кезең «Айдентика» – команда қонақ үйдің/мейрамхананың тұжырымдамалық жоспарын және фирмалық стилін (логотип, веб-сайттың макеті, маңдайша, интерьер, мәзір (мейрамхана), қызмет көрсету каталогы (қонақ үй)) әзірлейді. Жұмыс Microsoft PowerPoint мультимедиялық презентациясында құрастырылып, ұйымдастыру комитетінің rdgb_olympics_ksu@mail.ru электрондық поштасына 2023 жылдың 30 наурызына дейін (Астана уақыты бойынша сағат 00:00-ге дейін) жіберіледі.

Екінші кезең «Бейнеролик» – сараптамалық комиссия тобына жұмыстарды қарауға ұсынуы. Бейнеролик 2023 жылғы 31 наурызына дейін Астана қ. уақытымен сағат 00:00-ге дейін ұйымдастыру комитетінің электрондық мекенжайына жіберіледі: rdgb_olympics_ksu@mail.ru. Хатта ЖОО атауы және бейнеролик атауы көрсетілуі керек.

Олимпиада келесі бағыттар бойынша өткізіледі:

«NFT мейрамхана бизнесіндегі пайданың жаңа көзі ретінде»;
«Қонақжайлылық саласындағы командалық жұмыстың цифрлық платформалары»;
«Қоғамдық тамақтандыру кәсіпорындарының гибридті форматтары»;
«Қонақ үй бизнесінде қызмет көрсетуді жекелендіру»;
«Pop-up мейрамханалар: ТМД елдеріне арналған кейстер мен идеялар»;
«Тағамдар мен сусындарды насихаттаудағы бейне және фотоконтент»;
«Бутик-қонақ үйлер үшін корпоративтік бірегейлікті құрудың тұжырымдамалық жобалары»;
«Қоғамдық тамақтандыру және орналастыру объектілерінің инновациялық тұжырымдамалары: тәуекелді бағалау»;
«Жастар мәдени орталықтары ретіндегі қоғамдық тамақтандыру объектілерінің тұжырымдамалары»;
«Азық-түлікті электронды жеткізу қызметтерінің экожүйелері»;
«Қоғамдық тамақтандыру объектілерінің ребрендингінің тенденциялары»;
«Қонақ үй және мейрамхана бизнесіндегі қызмет көрсету үдерістерін автоматтандыру»;
«Мейрамханалар мен қонақүйлерге арналған SMM стратегиясы»;
«Ғарыштық қонақүйлер – жақын болашақ?»;
«Мейрамхана бизнесі және қонақ үй бизнесі мамандарын дайындаудың ерекшеліктері».

Жұмыстарға қойылатын негізгі талаптар қашықтықтан өтетін халықаралық олимпиада туралы ережеде көрсетілген.

Барлық сұрақтар бойынша олимпиаданың ұйымдастыру комитетіне келесі электронды мекенжай бойынша: rdgb_olympics_ksu@mail.ru немесе келесі телефон номерлері бойынша хабарласуға болады: +77078677878 (Гребенюк Дарья Дмитриевна), +77770711671 (Торжанова Данагуль Асетовна).

PDF жүктеу