Karaganda Buketov University Сапаны қамтамасыз ету және тәуекелдерді бағалау департаменті 2022 жылғы 20 қыркүйек пен 14 қазан аралығында университеттің 12 факультетінде "Тәуекелдерді сәйкестендіру, талдау және бағалау" тақырыбында интерактивті семинар-тренингтер сериясын өткізді. Семинар-тренингтердің мақсаты университеттің бизнес-процестеріне тәуекел-менеджментті енгізу шеңберінде университеттің профессорлық-оқытушылық құрамын тәуекелдерді басқару үдерісіне оқыту болды.
Семинар-тренингтерге 12 факультеттен барлығы 284 адам қатысты.
Семинар-тренингтерде университет қызметіндегі тәуекелдерді сәйкестендіру, талдау және бағалау мәселелері талқыланды. Оқытушылар тәуекел-менеджменттің негізгі терминдерімен және ұғымдарымен, анықталған тәуекелдерге жан-жақты талдау жүргізу үшін PESTLE-Analysis және т.б. әдістермен танысуға мүмкіндік алды. Семинар-тренингтерде Сапаны қамтамасыз ету және тәуекелдерді бағалау департаменті тәуекелдердің электрондық регистрін (Risk register template) ұсынды, құрылымдық бөлімшелердің тәуекелдерді басқару үдерістері бойынша нақты кейстерді мысал ретінде көрсетті.
Факультеттердің профессор-оқытушылар құрамы бұдан бұрын Сапаны қамтамасыз ету және тәуекелдерді бағалау департаменті жүргізген "Тұрақты даму саласындағы тәуекелдерді анықтау мақсатында KBU профессор-оқытушылар құрамына арналған кешенді сауалнама" нәтижелерімен танысты. Семинар-тренингтер тікелей пікірталас формасында өтті, оқытушылар университет факультеттерінің бизнес-процестерінің тәуекелдері туралы өз пікірлерімен бөлісуге, өз сұрақтарына жауап алуға мүмкіндік алды.