Академик Е.А. Бөкетов атындағы Қарағанды университетінің 2024-2025 оқу жылына арналған Тұрақты даму жоспарын іске асыру аясында Қосымша білім беру факультеті 2024 жылғы 18-19 желтоқсан күндері «Қазақстан Республикасындағы гендерлік саясат» атты семинар ұйымдастырды. Семинар бағдарламасының әзірлеушісі – философия және психология факультетінің саясаттану және әлеуметтану кафедрасының аға оқытушысы Резвушкина Татьяна Александровна, семинардың өзектілігін Біріккен Ұлттар Ұйымының Тұрақты даму саласындағы бесінші мақсаты ретінде гендерлік теңдік мәселелерін түсінудің маңыздылығымен негіздейді. Барлық жыныстарға тең құқықтар мен мүмкіндіктерді қамтамасыз ету халықаралық нормаға айналып, әлемнің көптеген елдері тарапынан қолдау тауып отыр. Семинар барысында әйелдер мен ерлердің рөлдері мен мінез-құлық стереотиптеріне қатысты мәдени көзқарастарды өзгерту тәсілдері қарастырылды. Семинарға қатысушылар Қазақстан Республикасында гендерлік теңдікті қамтамасыз ету тәжірибесіне ерекше қызығушылық танытты: әйелдер мен ерлердің білімге, еңбекке, кәсіби дамуға және қоғамдық өмірге тең дәрежеде қол жеткізуіне жағдай жасау.
