Академик Е. А. Бөкетов атындағы Қарағанды университетінде дене шынықтыру және спорт факультетінің профессор-оқытушылар құрамы арасында спорттық бағдарлау және туризмнен жарыс өтті.Эстафеталық жарысқа факультеттің әр кафедрасынан төрт команда қатысты. Қатысушылар тапсырма бойынша университеттің бас корпусының әртүрлі қабаттарында орналасқан 4 бақылау пунктін табуы керек болды.Жарыс бірнеше кезеңнен тұрды. Бірінші кезеңде командаларға аралық бақылау пункттерінің орналасқан жері көрсетілген карталар берілді. Содан кейін әрбір қатысушы түйінді байлаудың белгілі бір техникасын пайдалана отырып, эстафетаны әріптесіне беруі керек болды.Спорттық-педагогикалық пәндер кафедрасының командасы жеңімпаз атанды. Екінші орынды дене тәрбиесі кафедрасының командасы иеленсе, үшінші орынды дене шынықтыру және спорттық дайындық теориясы мен әдістемесі және бастапқы әскери дайындық және жекпе-жек кафедрасының командалары өзара бөлісті.
