2025 жылдың 27ші ақпанында университеттің ғылыми қызметкерлері А.К. Зейниденов, Е. М. Әлиев, Д. Афанасьев және ҒД ТИҚО жоба менеджері А. А. Базаралина Сарань қаласындағы КСЕР оптикалық және LAN кабелін өндіру зауытына барды. Ол Қазақстандағы оптикалық және LAN кабелінің алғашқы өндірушісі болып табылады. Сапар аясында бүкіл зауыттың аумағы бойынша шолу экскурсиясы болды: зертханаға, өндірістік цехтарға және орталық қоймаға барды. Экскурсия барысында өндірістік және сынақ жабдықтарының жұмыс ерекшеліктерін қоса алғанда, кабель өндірісінің толық технологиялық процесін көруге мүмкіндік берілді. Сондай-ақ, экскурсия жүргізген техникалық департаменттің директоры компанияның ұйымдық құрылымы, Компанияның құрылымдық бөлімшелерінің функционалдығы, кейіннен жүзеге асыру үшін таңдалатын жаңа идеялар қалай талқыланатыны туралы жалпы түсінік берді. Жұмыс кездесуінің соңында техникалық департамент директоры А. В. Рукабер, өндірістік департамент директоры К.И. Дубинюк және персоналды басқару бөлімінің басшысы Д. Х. Хасанованың қатысуымен дөңгелек үстел ұйымдастырылды. Түлектерді даярлауда Университет ғалымдары қолданбалы сипатқа ие және аймақтағы бизнестің нақты мәселелерін шешетін ғылыми әзірлемелерге арналған мемлекеттік гранттардың бар екендігі туралы толығырақ айтып берді. "Akylbaev Research Centre" ғылыми технопаркі базасында бірлескен ҒЗТКЖ туралы уағдаластықтар жүргізілді.