Қарағанды Бөкетов университетінің арнайы инклюзивті білім беру кафедрасының меңгерушісі Рымханова Айнагүл Рымбекқызының айтуынша, мерекеге 15 білім беру ұйымының, оның ішінде арнайы мектеп-интернаттар, балабақшалар, аутизм орталықтарының балалары шақырылды, олармен педагогика факультеті көптеген жылдар бойы тығыз байланыста жұмыс жасауда. Мерекеге барлығы 50 бала қатысты. Кәсіподақ комитеті жыл сайын балаларға сыйлықтар үлестіруді жақсы дәстүрге айналдырды. Бұл бір жағынан бүлдіршіндердің көңілінен шығып жатса, екінші жағынан мерекелік шараны ұйымдастырып отырған студенттерге де өз пайдасын тигізеді. Олар өздерінің шығармашылық әлеуетін аша отырып, белсенді волонтерлік қызмет атқарады. Балалар сценарий жазып, қызықты ойындар мен сайыстар ойлап тапты», – дейді Айнагүл Рымбекқызы. Мерекеде балалар ертегі кейіпкерлерімен суретке түсіп, Аяз Ата мен Ақшақардың тапсырмаларын қуана орындады. Ертеңгілік қуаныш пен шаттық атмосферасында өтті.
