Академик Е.А. Бөкетов атындағы Қарағанды университетінің философия және психология факультетінде «Цифрлық трансформация жағдайындағы қазақстандық қоғам: перспективалар мен тәуекелдер» гранттық жобасы аясында ғылыми-зерттеу жұмысының тиімділігін арттыратын әлеуметтік-психологиялық зертхананың салтанатты ашылуы өтті.
Іс-шараға Басқарма Төрағасы — ректор Нұрлан Дулатбеков, ғылыми жұмыс жөніндегі проректор Еркебұлан Тажбаев, стратегиялық даму жөніндегі проректор Ербол Сармурзин, факультет декандары, профессорлық-оқытушылық құрам мен Қарағанды облысы білім басқармасының басшысы Гүлбақыт Жүнісова қатысты.
Зертхана ұтып алған мега гранттың арқасында ашылды, өзінің маңыздылығымен, бұл қаржыландыруымен бірге жүктелген міндеттердің жаһандық ауқымы бойынша ерекшеленетін Қазақстандағы алғашқы әлеуметтік-гуманитарлық зерттеу болып табылады. Байқауда Бөкетов университетінің ғылыми-зерттеу тобына грантты жүзеге асыру үшін ұйымдастырылған консорциумда орын алу мүмкіндігі бұйырды.
Жоба жетекшісі, философия және психология факультеті деканының міндетін атқарушы Мадина Умрукулова: «Министрліктің Ғылым және жоғары білім комитеті әлеуметтік-гуманитарлық саланы зерттеуге 3 млрд. теңге көлемінде қомақты қаржы бөлді. Біздің ұжым Қазақстанның ірі жоғары оқу орындарының зерттеу топтарымен қатар консорциумдағы орны үшін күресті. Біз өз күшімізге сеніп алдымызға мақсат қоя білдік. Алдымызда еңсеретін маңызды міндет тұр», — деп атап өтті.
Бүгінгі таңда заманауи қазақстандық қоғам мен тұлғаның психологиялық, әлеуметтік-саяси және философиялық мәселелерін зерттеу саласында пәнаралық көзқарас тұрғысынан іргелі және қолданбалы ғылыми зерттеулер жүргізу үшін бірегей жабдықтар, түпнұсқа әдістемелік кешендер және лицензиялық бағдарламалар алынды. Зертхана сонымен қатар әлемдік университеттердің бірқатар жетекші мамандарымен — профессор Ян Лашекпен (Dr.h.c., Карлов университеті, Гуситтік теологиялық факультет, Чехия), пс.ғ.д., доцент В.Н. Галяпинамен және т.б. халықаралық ынтымақтастықты жүзеге асырады (NRU HSE, Мәскеу, Ресей).