Алаңы 100 шаршы метрден асатын Сoworking Police Center Қарағанды Бөкетов университетінің студенттік кампусының аумағында жұмыс істейді. Ол 2023 жылдың желтоқсан айының соңында ашылды.
Бұл әдеттегі үлгілерден ерекшеленетін құзыреттілік тәсілі бар заңгер студенттерді даярлауға арналған инновациялық алаңдар. Коворкинг орталығының негізгі мақсаты ҚР ІІМ көпфункционалды жүйесінде жұмыс істеу үшін Қарағанды облысы жоғары оқу орындарының үздік студенттерін рекрутингілеу болып табылады.
Орталық полицейлер үшін өзінің кәсіби және тұлғалық қасиеттерін жақсарта алатын ашық кеңістік болмақ.
Бүгінгі таңда екі тарап – Қарағанды Бөкетов университеті мен Қарағанды облысы бойынша полиция департаменті арасында өзара ынтымақтастық туралы меморандумға қол қойылды.
Қарағанды облысы полиция департаментінің қызметкері, полиция лейтенанты Алина Мұстафинаның айтуынша, полиция қызметкерлерінің білім алушылармен жұмысының басты мақсаты – интеллектуалдық өсу, IT саласындағы білімді арттыру, көшбасшылық, топтық жұмыс, қоғаммен дұрыс қарым-қатынас жасау, бұл қылмыстың алдын алуға және ашуға ықпал етеді.
Өз кезегінде Қарағанды университетінің қылмыстық құқық және криминалистика кафедрасының профессоры Сергей Бачурин қазіргі уақытта университет базасында 4 криминалистикалық полигон жұмыс істейтінін атап өтті. Солардың бірінде қоғамдық орындарда қылмыс жасауға бағытталған практикалық дағдыларды пысықтауға байланысты студенттер манекендер мен арнайы атрибутикаларды қолданатын болады. Осылайша, коворкинг орталығында алынған тәжірибе заң факультетінің білім алушыларына болашақ мамандықты игеруде зор пайдасын тигізбек.
