Физика-техникалық факультетінің 1-курс студенті Иса Сағат ММА бойынша республикалық жарыста 75 келіге дейінгі салмақ дәрежесінде абсолютті чемпион жүлдесін жеңіп алды.
ММА - әр түрлі жауынгерлік өнер сайыскерлері арасындағы жарыстардан тұратын аралас жекпе-жек. Олар қарсыластарға кез-келген әдіс- тәсілді қолдануға рұқсат етілгендіктен ғана емес, спортшылар тыйым салынғаннан басқа кез-келген техника мен стильдерді қолдана алатындықтан «ережесіз жекпе-жек» деп аталады.
«Бүгін мен спортпен шұғылданамын және бір уақытта оқып жүрмін. Мектепте мен жаратылыстану ғылымдарын, оның ішінде физиканы үлкен қызығушылықпен оқыдым. Осылайша, менің мамандығым, менің жолым – физика деген қорытындыға келдім», - деді Иса.
Оның жаттығуларға қатысуға деген ұмтылысын әкесі оятты. Ол өз кезегінде әпкесінің спортқа деген сүйіспеншілігін тудырды.
«Менің отбасымда әпкем бар, ол менің соңымнан еріп, менің ізіммен жүріп келеді. Оның жаны нәзік болса да, мінезі қайратты. Бүгінде ол қазақ күресінен жарыстарға қатысып, осы бағытта өзін дамытуда», - деп атап өтті жас чемпион.
Исаның айтуынша, спортшының басты қасиеттері - табандылық пен қайсарлық, жаттықтырушының маңызды қыры – тек жаттықтырып қана қоймай, психологиялық қолдау көрсете білу.
«Менің жаттықтырушым – FFC ММА халықаралық шебері Зафар Саидов. Ол маған осы спорт түрінің әдістерін үйретіп қана қоймай, психологиялық қолдау көрсетеді, өйткені спортшы үшін дене шынықтырумен қатар психологиялық ұстамдылық та үлкен рөл атқарады», – деп түйіндеді ол.
