Республикалық Олимпиаданың нәтижелері

📅 2025 жылғы 9 сәуірде Ілияс Жансүгіров атындағы Жетісу университетінде (Талдықорған қ.) 6B013 – Пәндік мамандандырылмаған мұғалімдерді даярлау бағыты бойынша «Заманауи мұғалім: интеллект, шабыт, шеберлік!» атты XVI Республикалық студенттердің пәндік олимпиадасы өтті.

Олимпиаданың мақсаты: болашақ педагогтердің пәндік білімінің сапасын анықтау, олардың кәсіби әлеуетін дамыту, топпен жұмыс істеу дағдыларын көрсету, зерттеу қабілеттерін жетілдіру және талантты, дарынды студенттерді қолдау.

Олимпиадаға Қазақстанның әр өңірінен 18 команда қатысты.

Е.А. Бөкетов атындағы Қарағанды университетінің Педагогика факультетінің 3-курс студенттері Грозовская Виктория, Персикова Екатерина, Соколова Валерия, Гамидова Милана «SAMRUK» командасының құрамында қатысты.
Команданың жетекшілері – аға оқытушылар, педагогика ғылымдарының магистрлері: Бейсенбаева А.М. және Отыншина Г.С.

Олимпиада кезеңдері:

1. Заманауи мұғалімнің бейнесі: бастауыш сынып мұғалімі мамандығының маңыздылығын креативті түрде көрсету.
2. Мұғалім – білім сиқыршысы: берілген тақырып бойынша ертегі құрастырып, сахналық қойылым ретінде ұсыну.
3. Күш білімде: пәндік білімді тексеруге арналған тест тапсырмалары.
4. Педагогикалық симфония: практикалық байқау – ашық бейнесабақ (үй тапсырмасы).

🥉 «SAMRUK» командасы III орынды иеленді! Команда жетекшілері мен студенттерімізді олимпиададағы сәтті өнер көрсетулерімен құттықтаймыз және шығармашылық табыс тілейміз!