2023 жылдың 25 сәуірінде академик Е.Ә.Бөкетов атындағы Қарағанды университетінің білім факультетінде «Ұрпақ тәрбиесі – ұлт болашағы» атты аймақтық семинар өтті. Қазіргі заман бала тәрбиесіне ерекше көңіл бөлуді талап етеді. Өйткені жас ұрпақтың тәрбиесі – ұлт болашағы. Платон: «Халқыңды құтқарғың келсе, қыз өсір, жаныңды сақтағың келсе, ұл өсір» деген. Қай кезеңде де әр халықтың алдында тұрған ұлы міндеттердің ең бастысы – оның ісі мен өмірін жалғастыратын дені сау, саналы ұрпақ тәрбиелеу. Аға ұрпақтың қоғам алдындағы ұлы парызы – мемлекетіміздің болашақ азаматтарын жан-жақты жетілген, саналы, мәдени-ғылыми саласы дамыған етіп тәрбиелеу. Ал жастарды жан-жақты қабілетті азамат етіп тәрбиелеуде халықтық салт-дәстүрлердің тәрбиелік, тәрбиелік рөлі зор.
Семинар жұмысына Қарағанды қаласы, «Кеншілер мәдениет сарайы» басшысының шығармашылық жөніндегі орынбасары, ақын, тіл жанашыры, облыстық аналар кеңесінің төрайымының орынбасары Э. Сайлауқызы, әлеуметтік жұмыс және әлеуметтік педагогика кафедрасының қауымдастырылған профессоры Б.Ж. Абдрашева, «Қазіргі заманғы көпсалалы» колледж директорының оқу ісі жөніндегі орынбасары Д.Е. Салыкова, филология факультеті деканының ТІ жөніндегі орыбасары Н.К. Сиязбаев, арнайы және инклюзивті білім беру кафедрасының қауымдастырылған профессоры Ж.Б. Ахметжанова, химия факультетінің, органикалық химия және полимерлер кафедрасының оқытушысы, техника ғылымдарының магистры Е. Насихатұлы, арнайы және инклюзивті білім беру кафедрасының 1 курс магистранты А.Б. Алпысбаевалар қатысты.
Шара барысында студенттер мен магистранттар сөз сөйлеп, сұрақтар қойып, өз пікірлерімен, ұсыныстарымен, тілектерімен бөлісті.
