Университетімізде «Kitap — Qazyna» жобасы басталды. Жас ұрпақ бойында жоғары азаматтық және рухани-адамгершілік қасиетті қалыптастыруға бағытталған бұл байқауға 1-4 курс студенттері қатысады. Бір топ 5 студенттен тұрады. Кітапсүйер студенттер қараша-ақпан айының аралығында қазақ және шетел жазушыларының 20 шығармасын оқиды. Әрі қарай оқыған шығармалары бойынша түрлі сайысқа түсіп, өзара үздікті анықтайды. Жеңімпаздар 14 ақпан Халықаралық кітап сыйлау күні марапатталады.
