Қарағанды Бөкетов университеті экономика факультетінің маркетинг кафедрасында «Marketing Lab» және «Мейрамхана ісі шеберханасы» мамандандырылған аудиторияларының ашылуы өтті. Жаңа бөлмелер пәндерді тереңдетіп оқыту және студенттердің алған білімдерін іс жүзінде қолдану мақсатында құрылған.Аудиторяларды салтанатты түрде академиялық жұмыс департаментінің директоры Т.М. Хасенова мен экономика факультетінің деканы Е.Т. Ақбаев ашты. Салтанатты ашылу рәсімінен кейін «Мейрамхана ісі шеберханасында» жаңа аудиторияның тұсакесері өтіп, «Мейрамхана ісі және қонақ үй бизнесі» ББ студенттері шеберлік сыныбын өткізді, оның барысында қатысушылар мейрамхана индустриясының заманауи трендтері туралы құнды ақпарат алды.Іс-шарада сөз сөйлеген маркетинг кафедрасының меңгерушісі, э.ғ.к., профессор Д.Г. Мамраева студенттердің кәсіби құзыреттілігін дамыту үшін осындай білім беру алаңдарын құру маңызды екеніне тоқталып кетті. Ол қазіргі заманғы білім беру технологияларын енгізу және тәжірибеге бағытталған оқытуды дамыту кафедраның негізгі басымдықтары болып табылатынын, бұл түлектердің еңбек нарығындағы бәсекеге қабілеттілігін арттыруға ықпал ететінін атап өтті.
