Шетелдік ғалымдарды тарту бағдарламасы аясында 2025 жылғы 27 қаңтар мен 27 ақпан аралығында шетел тілдері факультетінде Кастамону университетінің (Түркия) қауымдастырылған профессорлары Мустафа Өзтүрк АКЧАОҒЛУ және Ахмет Рифат КАЙЫШ сабақтар өткізеді. 2025 жылғы 27 қаңтар мен 8 ақпан аралығында олар шет тілдерін оқытуды дамытуға бағытталған жеке кездесулер өткізеді, сондай-ақ студенттерді лингвистика саласындағы жаңа әдістемелер мен тәсілдермен таныстырады. 9-27 ақпан аралығында дәрістер мен шеберлік сабақтары онлайн-форматта өткізілетін болады. Сонымен қатар, осы сапар аясында екі университет арасындағы болашақ ынтымақтастықтың мүмкіндіктері кеңінен талқыланып, оның ішінде Болашақ бағдарламасы, Эразмус+ және Орхун бағдарламалары аясында бірлескен жобаларға қатысу, сондай-ақ қос диплом бағдарламаларын дамыту мәселелері қарастырылады. Бұл сапар оқу орындары арасындағы достық қарым-қатынастарды нығайтып, ғылыми және білім беру саласындағы байланыстарды жаңа белестерге көтеруге ықпал ететін маңызды қадам болмақ.
