Академик Е. А. Бөкетов атындағы Қарағанды университеті, педагогика факультетінде жас ғалымдардың «Ғылымдағы жаңа есім» ғылыми-зерттеу жұмысы аясында ерекше білім беру қажеттіліктері бар балаларға арналған «Арт-шеберхана» ашылды. Жоба жетекшісі: Аринова Камиля Нұрланқызы п.ғ.м., арнайы және инклюзивті білім беру кафедрасының оқытушысы. Жобаның түпкі мақсаты волонтер студенттердің арт-терапия және арт-педагогика дамыту әдістерін, бұзушылықтарды түзетуді қолдана отырып, «Арт-шеберханада» өткізетін шығармашылық сабақтары арқылы ерекше білім беру қажеттіліктері бар балаларды әлеуметтендіру, сондай-ақ ерекше білім беру қажеттіліктері бар баланы тәрбиелеп отырған отбасына қолдау көрсету болып табылады.
