Бакалавриат, магистратура, докторантура білім беру бағдарламаларының білім алушылары және педагогика факультетінің оқытушылары 72 сағат көлемінде онлайн форматта педагогика ғылымдарының докторы, профессор, Томск мемлекеттік педагогикалық университетінің https://tspu.edu.ru/ (ТМПУ) бастауыш білім беру педагогикасы мен әдістемесі кафедрасының меңгерушісі Поздеева Светлана Ивановнаның дәрістер курсын тыңдады «Метаметодика мұғалім мен оқытушының кәсіби қызметінің құрамдас бөлігі ретінде» курсы бастауыш және орта білім беру ұйымдарының болашақ мұғалімдеріне, сондай-ақ факультет оқытушыларына метаметодика туралы идеяларды педагог қызметіндегі дидактика мен жеке әдістемелер арасындағы байланыстырушы компонент ретінде қалыптастыруға және оны кәсіби даярлауға ықпал етті. Шетелдік ғалым Светлана Ивановна жалпы және жоғары білім беру үшін жаңа дидактикалық шешімнің нұсқасы ретінде метаметодикалық тәсілдің мәнін және метаметодиканың компоненттерін (принциптер, белсенділік сценарийлері, оқытудың әдістемелік құралдары) қарастыратын мазмұнды дәрістер өткізді. Педагогика факультетінің білім алушылары мен оқытушыларына жалпы білім беретін мектепте, гимназияда және университетте оқу сабақтарын өткізу кезінде кәсіби икемділікті қамтамасыз ету үшін заманауи әдістемелік құралдар ұсынылды. Дәрістер сындарлы, мазмұнды диалог түрінде өткізілді және педагогика факультетінің студенттері, магистранттары, докторанттары мен оқытушыларының қызығушылығын тудырды.
