Академик Е.А.Бөкетов атындағы Қарағанды университетінің философия және психология факультетінде Анкара университетінің теология факультеті философия және дінтану кафедрасының профессоры, PhD, Али Рафет Озканның «Дін - рухани мәдениеттің ерекше түрі ретінде» атты қонақтық дәрістер курсы өткізіледі. Дәрістер 01.03.2023 пен 17.03.2023 аралығында онлайн форматта 72 сағат бойы жүргізіледі. Профессор Озканның қонақтық лекциялар курсы философия және психология факультетінің студенттері мен профессорлық-оқытушылар құрамының қазіргі діни идеологиялар, діннің даму тенденциялары және оның қоғамдағы рөлі туралы түсініктерін кеңейтуге көмектеседі. Курс діни экстремизмнің алдын алу жолдары мен формалары туралы білімді қалыптастырады. Курста дәрістерден басқа семинарлар, топтық және жеке консультациялар, ғылыми жобалар бойынша кеңестер, бірлескен жарияланымдар бар. Барлық сұрақтар бойынша философия және психология факультетінің деканатына хабарласыңыз.