29.04.2023 ж. академик Е. А. Бөкетов атындағы Қарағанды университетінде онлайн форматта «1409-ФС-23» гранттық жобасы бойынша халықаралық қатысумен республикалық дөңгелек үстел өтті.
Дөңгелек үстелдің мақсаты - діни сенім контекстіндегі психологиялық әл-ауқат факторы ретінде жастардың өміріне қанағаттану проблемаларын, сондай-ақ қазақстандық және шетелдік ғалымдардың психология саласында идеялармен алмасу және шешімдер іздеу үшін ықпалдасу мүмкіндіктерін талқылау.
Дөңгелек үстел жұмысына Қазақстан Республикасының, Өзбекстан Республикасының және Ресей Федерациясының жетекші жоғары оқу орындарының ғалымдары мен психологтары қатысты.
Ашылу бойынша сөйлеу сөзімен Әлішер Науаи атындағы Ташкент мемлекеттік өзбек тілі мен әдебиеті университетінің қоғамдық-гуманитарлық ғылымдар кафедрасының меңгерушісі қауымдастырылған профессор, Асланов Ильхом Низомович сөйледі.
«Қазақстан жастарының әлеуметтік сәйкестігі және психологиялық салауаттылығы: мәдениетаралық талдау» тақырыбында пс.ғ.д., «Экономиканың жоғары мектебі» ұлттық зерттеу университетінің, әлеуметтік ғылымдар факультетінің, психология департаментінің, әлеуметтік-мәдени зерттеулер орталығының бас ғылыми қызметкері (Ресей, Мәскеу қ.) Галяпина Виктория Николаевна баяндама жасады.
Зерттеу тобының мүшелері «1409-Фс-23» гранттық жобасы бойынша зерттеу нәтижелерін ұсынды (Р.Ш. Сабирова, Г.Б. Капбасова, М.Н. Джумагельдинов).
Дөңгелек үстел жұмысы барысында қатысушылар өз идеяларымен алмасты, респонденттердің діни қатыстылығын ескере отырып, психологиялық әл-ауқат факторы ретінде өмірге қанағаттану проблемасын зерттеу перспективаларын қарастырды.
Дөңгелек үстел жұмысының соңында магистранттар мен студенттер арасында ғылыми мақалалар байқауының қорытындысы шығарылды. Дөңгелек үстелді ұйымдастырушылар барлық қатысушыларға қызықты баяндамалары мен жемісті шығармашылық жұмыстары үшін алғыс білдірді.
