Қазіргі таңда жасанды интеллект ғылым мен өндірістің, экономиканың ажырамас бөлігіне айналды. Е.А. Бөкетов атындағы Қарағанды университеті Ai-Sana инновациялық бағдарламасы аясында АКТ академиясының Huawei платформасында білім алушылар үшін Жасанды интеллект курстарын оқытуды жалғастыруда.Оқыту процесі АКТ академиясының Huawei платформасында жүргізіліп, студенттерге, магистранттар мен докторанттарға заманауи білім алуға мүмкіндік береді. Академиялық жұмыстар департаменті, Қашықтықтан оқыту орталығы АКТ академиясының әкімшілерімен бірлесіп, білім алушылар үшін университеттің электрондық ресурс залында түсіндірме жұмыстарын күнделікті жүргізуде. Бүгінгі күні универсиеттің он төрт мыңнан астам білім алушыларынан төрт жарым мың білім алушы «Жасанды инттелекттің базалық мүмкіндіктері» курсын меңгеріп, сертификаттарын алды.