Бүгін Бурабайда Қазақстан Республикасының Президенті Қасым-Жомарт Тоқаевтың қатысуымен Ұлттық Құрылтайдың төртінші отырысы өтуде. Құрылтай жұмысына мемлекеттік органдардың өкілдері, қоғамдық ұйымдар, танымал ғалымдар мен сарапшылар да қатысуда. Қарағанды облысының атынан бұл жиынға Бөкетов атындағы университеттің ректоры, Қазақстан Ұлттық Ғылым академиясының академигі Нұрлан Орынбасарұлы Дулатбеков қатысып жатыр. Нұрлан Орынбасарұлы ғылым мен технологияны дамыту, жоғары білім жүйесін жаңғырту және жас ғалымдарды қолдау бастамалары туралы мәселелерді көтеруде. Құрылтай – республика дамуының маңызды мәселелерін талқылап, шешім қабылдаудың басты тетіктерінің бірі. Бұған дейінгі отырыстардың қорытындылары өзекті мәселелерді шешуге бағытталған маңызды бастамалардың жүзеге асуына ықпал етті.
