12 желтоқсан күні педагогика факультетінде 6В01301 – Бастауышта оқыту педагогикасы мен әдістемесі, 6B01901-Дефектология, 6В01406-Визуалды өнер, көркем еңбек, графика және жобалау, 6B01407-Кәсіби оқыту, 6В02101-Дизайн, 6B01101-Педагогика және психология, 6B01201-Мектепке дейінгі оқыту және тәрбиелеу білім беру бағдарламаларының 2025 жылғы түлектеріне арналған Мансап күні өткізілді. Мансап күнін жүргізудің негізгі міндеті – студенттер мен жұмыс берушілердің өзара әрекеттесуіне алаң құру, сондай-ақ білім беру мекемелері және бизнес өкілдерімен педагогикалық факультеттің әріптестігін дамыту. Іс-шараға мемлекеттік және жеке кәсіпорындардың қатарынан Қарағанды қаласы мен облысынан 20 астам жұмыс беруші қатысты. Сондай-ақ колледж және мектептердің өкілдерімен бірге кәсіптік бағдар жұмысын өткізу мақсатында аталмыш мекемелердің білім алушылары да шақырылды. Білім алушылар үшін факультеттің білім беру бағдарламаларына презентация көрсетіліп, оқу корпусында экскурсия ұйымдастырылды. Мансап күнін өткізу бітіруші курс студенттеріне әлеуетті жұмыс берушілермен танысуға және сұрақтарын қоюға, ал колледждер мен мектептердің білім алушыларына педагогикалық факультеттің қызметімен танысуға мүмкіндік береді.
