13-14 наурыз күндері академик Е.А.Бөкетов атындағы Қарағанды зерттеу университетінде көрнекті ғалымның 100 жылдығына орай «Бөкетов оқулары-2025» өңірлік ғылыми-тәжірибелік конференциясы өтті. Шараға студенттер мен магистранттар қатысып, өздерінің зерттеу жұмыстарын төрт тақырыптық секция бойынша ұсынды: Жаратылыстану ғылымдарының өзекті мәселелері; Гуманитарлық ғылымдардың өзекті мәселелері; Әлеуметтік-педагогикалық ғылымдардың өзекті мәселелері; Экономика және құқықтың өзекті мәселелері. Конференция аясында 76 ғылыми баяндама ұсынылды, оның 64-і қарастырылып, I, II және III дәрежелі дипломдармен марапатталды.«Бұл конференцияда сөз сөйлеу – тек білімімізді көрсету ғана емес, сонымен қатар Евней Арыстанұлы бастаған істі жалғастыру. Оның ғылымға еккен дәндері бүгінде жемісін беруде, ал жастар ғылымы одан әрі дамып келеді», – деді басқарма мүшесі, ғылыми жұмыс жөніндегі проректор Тажбаев Е.М.Көптеген студент пен магистранттар үшін бұл шара жаңа әрі құнды тәжірибе болды. Мысалы, 1 курс магистранты Ринас А.О. өз әсерімен бөлісті:«Алғашында бұл конференция Балаубаев оқуларына ұқсас болады деп ойладым, тек ауқымды форматта өтетін шығар деп күткенмін. Бірақ мұнда талаптар әлдеқайда қатаң, ал ұйымдастыру деңгейі ресми түрде жоғары. Бұл мен үшін өте құнды тәжірибе болды».Жас ғалымдар өз зерттеулерін ғана таныстырып қоймай, ғылыми диалогтың белсенді қатысушысына айналды.