Сарыарқа археологиялық институтының экспедициясы ҚР ҒжЖБМ Ғылым комитетінің АР19679947 «Ежелгі Бетпақдаланың мәдени-тарихи ландшафттарын реконструкциялау» гранттық жобасы бойынша жұмыс барысында (ғылыми жетекшісі М.В. Беделбаева) Шет ауданында кешенді барлау өткізіп, Таятқан-Шұнақ тауы аймағында орналасқан археологиялық ескерткіштер мен петроглифтерге мониторинг жүргізді.
Екі нысанда далалық археологиялық қазба жұмыстары жүргізілді. Жосалы сызбалар бар Тесіктас үңгірінің жанында диаметрі 5 м және биіктігі 0,6 м тас қорған зерттелді, құрылымның ортасында биіктігі 1 м трапеция тәріздес қадатас және шығыс жағында орнатылған тас қалау (5-7 қатар) бар. Тіктөртбұрышты пішінді қоршау табылып, тазартылғаннан кейін құрылым ортасында 0,7 м тереңдікте қабір шұңқырының аморфты контурлары байқалды, ол көлденең орналасқан төрт үлкен тас тақтайшалармен жабылған.
Қызыл және сары түсті жоса іздері бар құм үстінде бас жағы солтүстік-батысқа қарай қаратылып жерленген адам қаңқасы бар қорым тазартылды. Оң жақ білек сүйегінде қола бұйымының ізі бар, бәлкім бұл жұқа білезік немесе моншақ жіптерінен түскен таңба болар.
Қазба жұмыстарына тарих факультетінің 3 курс студенттері С. Мельник пен Ш.Серікбай қатысты, олар далалық сызбаларды жасау мен жоспарларды сызу, материкті тазарту, квадрокоптер көмегімен қазба орнын түсіру және басқа да археологиялық зерттеу жүргізу кезінде құнды тәжірибе жинақтай алды.
