25 ақпан күні физика-техникалық факультетінің коворкинг орталығында студенттер көлік және логистикалық жүйелер кафедрасының профессоры, педагогика ғылымдарының кандидаты Шарзадин Әділзада Мағрупбекұлымен кездесті.Іс-шара «Жаныңда жүр жақсы адам» тақырыбында өтті. Оның мақсаты — студенттерді ғылым мен білімнің дамуына зор үлес қосып жүрген көрнекті ғалымдар мен ұстаздармен таныстыру.Профессормен болған әңгіме білім алушылардың таным көкжиегін кеңейтіп қана қоймай, оларға шабыт сыйлады. Студенттер ғылым жолы қалай басталады, жас мамандарды қандай қиындықтар күтіп тұр, сәтсіздіктерге қалай төтеп беріп, мотивацияны жоғалтпауға болады деген сұрақтарға жауап алды Профессор өз басынан өткен оқиғаларымен, әріптестерінің тәжірибесімен бөлісе отырып, барлық сұрақтарға шынайы жауап беруге тырысты.Мұндай кездесулер студенттерге ғылыми жұмыстың ерекшеліктерін тереңірек түсініп қана қоймай, болашақ кәсіптегі өз орындарын табуға көмектеседі. Өйткені өз білімімен бөлісіп, жаңа белестерге ұмтылуымызға қолдау көрсетуге дайын адамдар әрдайым жанымыздан табылады
