Ғылыми кітапхана қоры бірегей басылыммен толықты Ұлттық ғылым академиясының корреспондент-мүшесі, заң ғылымдарының докторы, профессор Нұрлан Дулатбековтің жетекшілігімен, Бөкетов университетінің тарихшы, филолог ғалымдары — Зәуреш Сақтағанова, Қымбат Әбдірахманова, Айнаш Мустояпова, Лариса Харитонова, Жеңісгүл Ибраимова, Альфия Китибаева және тағы да басқа ғалымдардың құрастыруымен дайындалған «Орталық Қазақстандағы 1931—1933 жылдардағы ашаршылық: архивтік құжаттар мен естеліктер жинағы» Ұлыбританиядағы әлемге әйгілі «Springer Nature» баспасының еншілес ұйымы «Palgrave Macmillan» баспасынан ағылшын тілінде жарық көрді. Бірегей басылым — «The Famine of 1931-1933 in Central Kazakhstan Collection of Archival Documents and Memoirs» кітапхана қорын толықтырып, оқырмандарға қолжетімді болды.
