ВЕРСИЯ ДЛЯ СЛАБОВИДЯЩИХ

Университетте 2021 жылғы қабылдау науқаны аяқталды


Университетте қабылдау науқаны аяқталды.

Бакалавриатқа шамамен 3500 студент, 300 магистрант қабылданды.

Академик Е.А. Бөкетов атындағы Қарағанды университеті мемлекеттік білім грантына ие болған талапкерлер саны бойынша көшбасшылар қатарына кірді. ҚР БҒМ өткізген республикалық байқаудың қорытындысы бойынша 1612 адам біздің университетті таңдап, онда тегін оқу құқығына ие болды. Бұл өткен жылмен салыстырғанда шамамен 400 адамға көп. Біз мұны Қазақстанның үздік жоғары оқу орындарының бестігіне және QS әлемдік рейтингіндегі Топ 800-ге кіретін еліміздің жетекші университеттерінің біріне жоғары сенімнің дәлелі ретінде қарастырамыз.

«Серпін» республикалық бағдарламасы бойынша 748 адам мемлекеттік грант иегері атанды.

Грант иегерлерін жеке жетістіктерімен және университетке қатысты дұрыс таңдау жасауларымен құттықтаймыз. Біздің студенттер сұранысқа ие бағдарламалар бойынша сапалы білім алып, болашақта таңдаған жұмыс орнына орналасу мүмкіндігіне ие болады. Академик Е.А. Бөкетов атындағы Қарағанды университетінің түлектері Қазақстанның, ТМД елдерінің, Еуроодақ пен Азияның түрлі аймақтарында табысты жұмыс істеуде.

Сіздерге таңдаған мамандық жолында жаңа жеңістерге қол жеткізуді тілейміз!

Білім беру бағдарламаларының 13 тобы бойынша докторантурада оқу үшін 67 білім грантын алуға арналған конкурсқа 61 адам қатысты.